ବଜାରରେ ଖୁବ ଶୀଘ୍ର ଲଞ୍ଚ ହେବାକୁ ଯାଉଛି ଏହି ଫୋନ, ଜାଣିରଖନ୍ତୁ କଣ ରହିଛି ଏହାର ସ୍ପେଶାଲ ଫିଚର

ବିଶ୍ୱ ସ୍ତରରେ ନୋକିଆର ପେରେଣ୍ଟ କମ୍ପାନୀ ଭାବେ ଜଣା ଏଚଏମ୍ଡି ଗ୍ଲୋବାଲ ସୂଚନା ଦେଇଛିକି, ଖୁବଶୀଘ୍ର କମ୍ପାନୀ Nokia 5.3 ସେଟ ଭାରତୀୟ ବଜାରରେ ଲଞ୍ଚ କରିବାକୁ ଯାଉଛି । ଜାରି ହୋଇଥିବା ଏକ ଖବର ଅନୁଯାୟୀ କମ୍ପାନୀ ଆସନ୍ତା ଅଗଷ୍ଟ ୨୫ ତାରିଖରେ ଏକ ଭରଚୁଆଲ ମିଟିଙ୍ଗ ମାଧ୍ୟମରେ ଏହାକୁ ଲଞ୍ଚ କରିବା ନେଇ ଯୋଜନା ରଖିଛି । ଏଚଏମ୍ଡି ଗ୍ଲୋବାଲ ଭାରତରେ ଚଳିତ ବର୍ଷ ଜୁନରେ ନୋକିଆ ଫୋନ ଲଞ୍ଚ କରିଥିଲା । ଏହି ଫୋନ ନୋକିଆ କ୍ଲାସିକ ଶ୍ରେଣୀର ହୋଇଥିବା ବେଳେ ଏଥିରେ ନୋକିଆ ୧୦୫ ଓ ନୋକିଆ ୩୩୧୦ ଫିଚର ମାନ ବି ସାମିଲ ଅଛି ।

ଏଚଏମ୍ଡି ଗ୍ଲୋବାଲ କମ୍ପାନୀ ନୋକିଆ 5.3କୁ ପୂର୍ବରୁ ହିଁ ୟୁରୋପ ବଜାରରେ ଲଞ୍ଚ କରି ସାରିଛି । ୟୁରୋପୀୟ ବଜାରରେ ଏହି ସ୍ମାର୍ଟଫୋନର ଦର ୧୮୯ ୟୁରୋ ରଖାଯାଇଥିବା ବେଳେ ଯାହାର ମୂଲ୍ୟ ଭାରତୀୟ ମୁଦ୍ରା ଅନୁସାରେ ୧୫,୨୦୦ ଟଙ୍କା ପାଖାପାଖି ହେବ ବୋଲି ଜଣାଯାଇଛି । କିନ୍ତୁ ଭାରତୀୟ ବଜାରରେ ଏହାର ଦର ଅପେକ୍ଷାକୃତ କମ ରହିବ ବୋଲି ଆଶା କରାଯାଉଛି । ସ୍ପେସିଫିକେସନ ଦୃଷ୍ଟିରୁ ଦେଖିଲେ ଏହି ଫୋନରେ ୬.୫୫ଇଂଚର ଏଚଡ଼ି+ ଡିଷ୍ପ୍ଲେ ସୁବିଧା ମିଳିପାରିବ ।