ଭୋଡାଫୋନ୍ର ନୂଆ ଦମ୍ଦାର ଅଫର
ଭୋଡାଫୋନ୍ ନିଜ ଗ୍ରାହକଙ୍କ ପାଇଁ ସବୁବେଳେ ନୂଆ ନୂଆ ଅଫର ନେଇ ଆସେ। ଏବେ ମଧ୍ୟ ଭୋଡାଫୋନ୍ ତରଫରୁ ଆଉ ଏକ ଅଫର ଲଞ୍ଚ୍ କରାଯାଇଛି। ଅଫର ମୁତାବକ କମ୍ପାନୀ ନିଜ ୫ଟି ପ୍ରିପେଡ୍ ରିଚାର୍ଜ ଉପରେ ୫ ଜିବି ପର୍ଯ୍ୟନ୍ତ ଅତିରିକ୍ତ ଡାଟା ମାଗଣାରେ ଦେଉଛି। କମ୍ପାନୀର ଏହି ପ୍ଲାନ୍ ଅଲଗା ଅଲଗା ଦାମ୍ ଓ ବୈଧତା ଯୁକ୍ତ ରହିଛି। ଭୋଡାଫୋନ୍ର ଏହି ପ୍ଲାନ୍ ୧୪୯ ଟଙ୍କିଆ, ୨୧୯ ଟଙ୍କିଆ, ୨୪୯ ଟଙ୍କିଆ, ୩୯୯ ଟଙ୍କିଆ ଓ ୫୯୯ ଟଙ୍କିଆ ପ୍ଲାନ୍ରେ ଲାଗୁ ହୋଇଛି। ଏହା ବ୍ୟତୀତ କମ୍ପାନୀ ୪୯ ଟଙ୍କିଆ ଓ ୭୯ ଟଙ୍କିଆ ପ୍ୟାକ୍ରେ ବି ଅତିରିକ୍ତ ଡାଟା ଦେଉଛି।
ଅଫର ମୁତାବକ ୨ ଜିବି ଡାଟା ଦେଉଥିବା ୧୪୯ ଟଙ୍କିଆ ପ୍ଲାନରେ ଏବେ ୧ ଜିବି ଡାଟା ମାଗଣାରେ ଦିଆଯାଉଛି। ଏହି ପ୍ଲାନ୍ରେ ୟୁଜର୍ସ ୨୮ ଦିନରେ ମୋଟ୍ ୩ ଜିବି ଡାଟା ବ୍ୟବହାର କରିପାରିବେ। ଦ୍ୱିତୀୟ ପ୍ଲାନ୍ ୨୧୯ ଟଙ୍କିଆର ପ୍ଲାନ୍ ରହିଛି। ସେଥିରେ ପ୍ରତିଦିନ ୧ ଜିବି ଡାଟା ମିଳୁଥିଲା। ଏବେ ଏହି ପ୍ଲାନ୍ରେ ୨ ଜିବି ଅତିରିକ୍ତ ଡାଟା ଦିଆଯାଉଛି। ଏହି ପ୍ୟାକ୍ରେ ଗ୍ରାହକଙ୍କୁ ୨୮ ବଦଳରେ ୩୦ ଜିବି ଡାଟା ମିଳିବ।
ସେହିଭଳି ପ୍ରତିଦିନ ୧.୫ ଜିବି ଡାଟା ଦେଉଥିବା ୨୪୯ ଟଙ୍କିଆ, ୩୯୯ ଟଙ୍କିଆ ଓ ୫୯୯ ଟଙ୍କିଆ ତିନିଟି ପ୍ଲାନ୍ରେ ୫ ଜିବି ଅତିରିକ୍ତ ଡାଟା ମିଳୁଛି। ଏହି ତିନିଟି ପ୍ଲାନ୍ର ବୈଧତା ଯଥାକ୍ରମେ ୨୮ ଦିନ, ୫୬ ଦିନ ଓ ୮୪ ଦିନ ରହିଛି। ଅନ୍ୟପଟେ ଭୋଡାଫୋନ୍ର ୪୯ ଟଙ୍କିଆ ଓ ୭୯ ଟଙ୍କିଆ ଅଲ୍ରାଉଣ୍ଡର ପ୍ୟାକ୍ରେ ବି ୩୦୦ ଏମ୍ବି ଡାଟା ମାଗଣାରେ ଦିଆଯାଉଛି।