ଏୟାରଟେଲ ଏକ୍ସଟ୍ରିମରେ ରେଟ୍ରୋ କଂଟେଟ ବ୍ୟବହାରକାରୀଙ୍କ ନୂଆ ପସନ୍ଦରେ ପରିଣତ ହୋଇଛି
ପ୍ରିମିୟମ ଡିଜିଟାଲ କଂଟେଟ ପାଇଁ ଉଦ୍ଦିଷ୍ଟ ଭାରତର ପ୍ରଥମ ଭିଡିଓ ନେଟୱକ,ର୍ ଏୟାରଟେଲ ଏକ୍ସଟ୍ରିମ୍ ଆପ୍ରେ ଅତୀତର ଆବେଗପୂର୍ଣ୍ଣ ସ୍ମୃତିଗୁଡ଼ିକ ସବୁଠାରୁ ବୃହତ ଟ୍ରେଣ୍ଡ ଭାବେ ଦେଖାଦେଉଛି । ଏୟାରଟେଲ ପକ୍ଷରୁ ଏହି ଲୋକପ୍ରିୟ ଆପ୍, ୪୦୦ରୁ ଉର୍ଦ୍ଧ୍ୱ ଟିଭି ଚ୍ୟାନେଲ ଏବଂ ୧୦,୦୦୦ରୁ ଅଧିକ କାର୍ଯ୍ୟକ୍ରମ ପ୍ରଦାନ କରୁଛି । ଯେବେକି ଗତ ମାର୍ଚ୍ଚର ମଧ୍ୟଭାଗ ଠାରୁ ଏହି ଆପ୍ରେ ସାମୁହିକ ଷ୍ଟ୍ରିମିଙ୍ଗ ପରିମାଣ ୫୦% ବୃଦ୍ଧି ପାଇଛି, ଯାହା ଦର୍ଶାଉଛି ଯେ ବ୍ୟବହାରକାରୀଙ୍କ ମଧ୍ୟରେ ପୁରୁଣା ଦିନର କାର୍ଯ୍ୟକ୍ରମ ଓ ସିନେମା ଗୁଡ଼ିକ ପାଇଁ ଚାହିଦା ଅଧିକ ବଢ଼ୁଛି । ମାଲଗୁଡ଼ି ଡେଜ୍, ଦେଖ୍ ଭାଇ ଦେଖ୍ ଭଳି ଆହୁରି ଅନେକ ଲୋକପ୍ରିୟ ଟିଭି କାର୍ଯ୍ୟକ୍ରମ ଗୁଡ଼ିକର ଷ୍ଟ୍ରିମିଙ୍ଗ ପରିମାଣରେ ୩୦୦% ବୃଦ୍ଧି ପରିଲକ୍ଷିତ ହୋଇଛି । ସେହିଭଳି ମଦର ଇଣ୍ଡିଆ, ଡନ୍, ଅନ୍ଦାଜ ଆପ୍ନା ଆପ୍ନା ଭଳି ଆହୁରି ଅନେକ ବଲିଉଡ କ୍ଲାସିକ ଗୁଡ଼ିକର ଷ୍ଟ୍ରିମିଙ୍ଗ ପରିମାଣରେ ୧୦୦% ବୃଦ୍ଧି, ଏହି କେଂଟେଟ ଗୁଡ଼ିକ ପ୍ରତି ଦୃଢ଼ ଚାହିଦାକୁ ଦର୍ଶାଉଛି ।
ଅନ୍ୟପଟେ ନନ୍-ମେଟ୍ରୋ ଏବଂ ୟୁପି, ବିହାର ଓ ରାଜସ୍ଥାନ ଭଳି ଛୋଟ ସହରଗୁଡ଼ିକରେ ଥିବା ବ୍ୟବହାରକାରୀଙ୍କ ନୀକଟରୁ ପୁରୁଣା କଂଟେଟଗୁଡ଼ିକ ପାଇଁ ଚାହିଦା ପାଖାପାଖି ୮୦% ବୃଦ୍ଧି ପାଇଛି, ଯାହାକି ଏହି ବଜାରଗୁଡ଼ିକରେ ସ୍ମାର୍ଟଫୋନ ଭାବେ ଓଟିଟିର ବର୍ଦ୍ଧିତ ଗ୍ରହଣୀୟତା ଏବଂ ୪ଜି ପହଂଚର ପରିମାଣରେ ବୃଦ୍ଧିକୁ ଦର୍ଶାଉଛି । ଯେମିତିକି ଲୋକମାନେ ବର୍ତମାନ ଘରେ ଅଧିକ ସମୟ ବିତାଉଛନ୍ତି ତେଣୁ ଏୟାରଟେଲ ଏକ୍ସଟ୍ରିମରେ ହାରାହାରି ପର୍ଯ୍ୟାୟ ସମୟ ଏବଂ ପ୍ରତି ବ୍ୟବହାରକାରୀଙ୍କ ପିଛା ଦୈନିକ ପର୍ଯ୍ୟାୟ ସଂଖ୍ୟାରେ ମଧ୍ୟ ୪୦% ଅବିବୃଦ୍ଧି ପରିଲକ୍ଷିତ ହୋଇଛି ।
ଏହା ସମ୍ପର୍କରେ ଭାରତୀ ଏୟାରଟେଲର ଚିଫ ପ୍ରଡକ୍ଟ ଅଫିସର ଶ୍ରୀ ଆଦର୍ଶ ନାୟର କହିଛନ୍ତି ଯେ, “ବର୍ତମାନର ପରିସ୍ଥିତି ଭିଡିଓ ମନୋରଞ୍ଜନକୁ ନିଶ୍ଚିତ ରୂପେ ଏକ ବୃହତ ବ୍ୟବହୃତ ପ୍ରସଙ୍ଗରେ ପରିଣତ କରିଛି । ଯେହେତୁ ବର୍ତମାନର ପରିସ୍ଥିତି ମଧ୍ୟ ଆମକୁ ଭାବପ୍ରବଣ କରିଦେଇଛି ତେଣୁ ଏହି ସମୟରେ ଏହି ଭିଡିଓଗୁଡ଼ିକ ଆମକୁ ପୁଣି ଅତୀତକୁ ଫେରିଯାଇ ସେହି ସ୍ନେହପୂର୍ଣ୍ଣ ସ୍ମୃତିଗୁଡ଼ିକୁ ପୁନରୁଦ୍ରେକ କରିବା ପାଇଁ ଯଥେଷ୍ଟ ସମୟ ଓ ପରିସର ଯୋଗାଦେଇଛି ।”