୯କେଜି ଗଞ୍ଜେଇ ଜବତ, ଜଣେ ଗିରଫ
ଆଠଗଡ଼ ଅବକାରୀ ବିଭାଗ ପକ୍ଷରୁ ସହରର ବୀରକିଶୋରପୁର ଛକ ନିକଟରୁ ଜଣେ ବ୍ୟକ୍ତି ଗଞ୍ଜେଇ ଚାଲାଣ କରୁଥିବାବେଳେ ତାଙ୍କୁ ଗିରଫ କରିବା ସହ ୯କେଜି ଗଞ୍ଜେଇ ଜବତ କରାଯାଇଥିବା ଜଣାପଡ଼ିଛି। ବୀରକିଶୋରପୁର ଛକରେ ଗଞ୍ଜେଇ ସହ ବସ୍କୁ ଅପେକ୍ଷା କରିଥିବା ମାଣିଆବନ୍ଧ ଥାନା ଅନ୍ତର୍ଗତ ଅଭିମାନପୁରର ବାବୁଲି ବେହେରାଙ୍କୁ ଅବକାରୀ ଉପନିରୀକ୍ଷକ ସୌମ୍ୟରଞ୍ଜନ ମାଝି ଓ ଅନ୍ୟ ଅବକାରୀ କର୍ମଚାରୀ କାବୁ କରିନେଇଥିଲେ। ପୂର୍ବ ସୂଚନା ଅନୁଯାୟୀ ଅବକାରୀ ଏସଆଇ ଶ୍ରୀ ମାଝି ଅନ୍ୟ କର୍ମଚାରୀଙ୍କ ସହ ଅତର୍କିତ ଚଢାଉ କରି ସଂପୃକ୍ତ ଗଞ୍ଜେଇ ଚାଲାଣକାରୀ ଅଭିଯୁକ୍ତକୁ ଧରିଥିଲେ। ୯କେଜି ଗଞ୍ଜେଇ ଯାହାର ଆନୁମାନିକ ମୂଲ୍ୟ ୯୦ହଜାର ଟଙ୍କା ହେବ ବୋଲି ବିଭାଗୀୟ ସୁତ୍ରରୁ ପ୍ରକାଶ। ଅଭିଯୁକ୍ତକୁ ଅଦାଲତ ଚାଲାଣ କରାଯାଇଥିବା ଜଣାପଡ଼ିଛି।