ଆଜି ବିଏମ୍ସି ନୂଆ କୋଠାରେ ଅଭିଯୋଗ ଶୁଣାଣି
ସୋମବାର ନୂଆ କୋଠା(ବିଏମ୍ସି-ଆଇସିଓଏମ୍ସି)ରେ ଅଭିଯୋଗ ଶୁଣାଣି ଆରମ୍ଭ ହେବ। କୋଠାର ଅପର ଗ୍ରାଉଣ୍ଡ ଫ୍ଲୋର୍ରେ ପୂର୍ବାହ୍ନ ୧୦ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ କମିସନର ବିଜୟ ଅମୃତା କୁଲାଙ୍ଗେ ସଧାରଣ ଲୋକଙ୍କ ଅଭିଯୋଗ ଶୁଣିବେ। ଗତ ୨୦ ତାରିଖରେ କର୍ପୋରେସନ ବୈଠକ ଥିବାରୁ ଶୁଣାଣି ହୋଇ ପାରିନଥିଲା। କଳ୍ପନା ଛକରେ ଥିବା ପୁରୁଣା ଅଫିସ୍ରେ ଅଭିଯୋଗ କରିବାକୁ ଆସୁଥିବା ଲୋକମାନଙ୍କ ପାଇଁ ବସିବାକୁ ଜାଗା ନଥିବା ଅଭିଯୋଗ ହେଉଥିଲା। ପାନୀୟ ଜଳ ବ୍ୟବସ୍ଥା ମଧ୍ୟ ନଥିଲା।
ତେବେ ନୂଆ କୋଠାରେ ଏହି ସବୁ ସୁବିଧା ରଖାଯାଇଥିବା ବିଏମ୍ସି କହିଛି। ମୁଖ୍ୟ ଫାଟକ ଦେଇ ପ୍ରବେଶ କରିବା ପରେ ଲିଫ୍ଟ ଦେଇ ଅପରଗ୍ରାଉଣ୍ଡ ଫ୍ଲୋର୍କୁ ଯିବେ। ସେଠାରେ ଅଭିଯୋଗପତ୍ର ପଞ୍ଜୀକୃତ ହେବା ପରେ କମିସନର ଶୁଣାଣି କରିବେ ବୋଲି ଜଣାପଡ଼ିଛି। ସୂଚନାଯୋଗ୍ୟ, ଗତ ୧୬ ତାରିଖରେ ମୁଖ୍ୟମନ୍ତ୍ରୀ ଏହି କୋଠାକୁ ଉଦ୍ଘାଟନ କରିବା ପରେ ୧୭ ତାରିଖ ଠାରୁ ବିଧିବଦ୍ଧ ଭାବରେ ବିଏମ୍ସି ଅଫିସ୍ ଏଠାରେ କାର୍ଯ୍ୟ କରୁଛି। ଲୋୟର ଓ ଅପର ଗ୍ରାଉଣ୍ଡଫ୍ଲୋର ସହ ୩ୟ ଓ ୪ର୍ଥ ମହଲାରେ ବିଏମ୍ସି ଅଫିସ୍ କାମ କରୁଛି।