ପନିକିରେ ହାଣି ମହିଳାଙ୍କୁ ହତ୍ୟା

ପନିକିରେ ହାଣି ମହିଳାଙ୍କୁ ହତ୍ୟା। ମୃତକଙ୍କ ନାମ ରେଣୁକା ଜେନା ବୋଲି ଜଣାପଡିଛି । ଯାଜପୁର ଜିଲ୍ଲା ମଙ୍ଗଳପୁର ଥାନା ଦତ୍ତପୁର ପଞ୍ଚାୟତ ହେମନ୍ତପୁର ଗାଁ ଏହି ଘଟଣା ଘଟିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଖବର ଅନୁଯାୟୀ, ହେମନ୍ତପୁର ଗାଁ ରନଥା ଜେନାଙ୍କ ସ୍ତ୍ରୀ ରେଣୁକା ଜେନା (୫୦)ଙ୍କୁ ପନିକିରେ ହାଣି ହତ୍ୟା କରାଯାଇଥିବା ଜଣାପଡିଛି। ତାଙ୍କ ମୃତଦେହ ବୈତରଣୀ ନଦୀବନ୍ଧ ହେମନ୍ତପୁର ଠାରେ ପଡିରହିଥିବା ଦେଖିବାକୁ ମିଳିଛି। ସେଠାରେ ଏକ ପନିକି ମଧ୍ୟ ପଡିଥିବା ଜଣାପଡିଛି। ଖବର ପାଇଁ ମଙ୍ଗଳପୁର ପୁଲିସ ତଦନ୍ତ ଆରମ୍ଭ କରିଛି ।