ଚୀନରେ ଆଉ ଜଣେ ମହାଧନୀ ବ୍ୟକ୍ତି ନିଖୋଜ
ଚୀନ୍ରେ ସରକାରଙ୍କୁ ବିରୋଧ କରୁଥିବା ବ୍ୟକ୍ତି ନିଖୋଜ ହୋଇଯିବା କିଛି ନୂଆ ଘଟଣା ନୁହେଁ। ପୂର୍ବରୁ ଏପରି ଅନେକ ଥର ଘଟିଛି । ଚୀନ୍ର ସବୁଠାରୁ ଧନୀ ବ୍ୟକ୍ତି ଜାକ୍ ମା କିଛି ଦିନ ତଳେ ନିଖୋଜ ହୋଇଥିଲେ । ସରକାରଙ୍କ କିଛି ନୀତିକୁ ବିରୋଧ ପରେ ସେ ନିଖୋଜ ହୋଇଥିବା ସୂଚନା ମିଳିଥିଲା । ପରେ ସେ ଜାପାନ୍ରେ ଆତ୍ମଗୋପନ କରିଥିବା ଜଣା ପଡିଥିଲା। ସେଠାରେ ସେ ଅତି ସାଧାରଣ ଭାବେ ସମସ୍ତଙ୍କ ଠାରୁ ଅଲଗା ଭାବେ ଗୁପ୍ତରେ ରହୁଥିବା କଥା ଜଣା ପଡିଥିଲା ।
ଏବେ ଚୀନ୍ର ଆଉ ଜଣେ ମହାଧନୀ ନିଖୋଜ ହୋଇଯାଇଛନ୍ତି । ସେ ହେଉଛନ୍ତି ବାଓ ଫାନ୍ ନାମକ ହାଇ ପ୍ରୋଫାଇଲ୍ ଆରବପତି ନିଖୋଜ ହୋଇଯାଇଥିବା ହଙ୍ଗକଙ୍ଗ ଷ୍ଟକ୍ ଏକ୍ସଚେଜଂ ପକ୍ଷରୁ ସୂଚନା ଦିଆଯାଇଛି ।
ବାଓ ଫାନ୍ ହେଉଛନ୍ତି ଚାଇନା ରେନେସାଂସ ହୋଲ୍ଡିଂର ମୁଖ୍ୟ । ସେ ତାଙ୍କ କମ୍ପାନୀ ସହ ଯୋଗାଯୋଗ କରିପାରୁ ନଥିବା ହଙ୍ଗକଙ୍ଗ ଷ୍ଟକ୍ ଏକ୍ସଚେଂଜ ପକ୍ଷରୁ କୁହାଯାଇଛି । ଏହି ଖବର ବ୍ୟାପିବାପରେ ହକଂ ଷ୍ଟକ ଏକ୍ସ୍ ହ୍ରାସ ପାଇଥିଲା । ଏହାପରେ ଚାଇନା ରେନେସାଂସ ହୋଲ୍ଡିଂ ଅଂଶଧନର ମୂଲ୍ୟ ୩୦ ପ୍ରତିଶତ ହ୍ରାସ ପାଇଛି । ତାଙ୍କୁ ତୁରନ୍ତ ଠାବ କରିବା ପାଇଁ ବିଭିନ୍ନ ବାଣିଜ୍ୟ ସଙ୍ଗଠନ ଦାବି କରିଛନ୍ତି ।