ବଲିଉଡରେ ଏଣ୍ଟ୍ରି ମାରିବେ କ୍ରିକେଟର ଶିଖର ଧାୱନ

ସିନେ ପରଦାରେ ନଜର ଆସିବେ କ୍ରିକେଟର ଶିଖର ଧାୱନ । ଖେଳ ପଡିଆରେ ବଲକୁ ଦୂର ଆକାଶକୁ ପଠାଉଥିବା ଭାରତୀୟ ଷ୍ଟାର କ୍ରିକେଟର ଶିଖର ଧାୱନ ଏବେ ବଲିଉଡରେ ଏଣ୍ଟ୍ରି ମାରିବାକୁ ଯାଉଛନ୍ତି । କ୍ରିକେଟରେ ଦମଦାର ପ୍ରଦର୍ଶନ କରୁଥିବା ଶିଖର ଏବେ ଅଭିନୟରେ ଜଲୱା ଦେଖିବେ । କ୍ରିକେଟ ମୈଦାନରୁ ଫିଲ୍ମ ଦୁନିଆରେ ପାଦ ଥାପିବାକୁ ଯାଉଛନ୍ତି ଧାୱନ । ବଲିଉଡ ଚଳଚ୍ଚିତ୍ର ‘ଡବଲ ଏକ୍ସଏଲ’ ଜରିଆରେ ଡେବ୍ୟୁ କରିବେ ଶିଖର ଧାୱନ।

ବଲିଉଡ ଚଳଚ୍ଚିତ୍ର ‘ଡବଲ ଏକ୍ସଏଲ’ ଅଭିନେତ୍ରୀ ହୁମା ଖୁରେସି ଏ ନେଇ ଇନଷ୍ଟାଗ୍ରାମରେ ଏକ ଫଟୋ ସେୟାର କରି ସୂଚନା ଦେଇଛନ୍ତି । ଫଟୋରେ ଶିଖର ଧାୱନ ଓ ହୁମା ଖୁରେସୀ ହାତ ଧରି ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଆଉ ଏକ ଫଟୋରେ ଉଭୟ ବସି ହସୁଥିବାର ଏକ ଫଟୋ ମଧ୍ୟ ସେୟାର କରିଛନ୍ତି ହୁମା । ବଡ ପରଦାରେ ଶିଖର ଧାୱନଙ୍କୁ ଦେଖିବାକୁ ମିଳିବ ଏ ଖବର ହୁମା ଦେବା ମାତ୍ରେ ଦର୍ଶକଙ୍କ ମଧ୍ୟରେ ଉତ୍ସାହ ବଢିଛି । ଶିଖରଙ୍କ ପ୍ରଶଂସକ ଏହି ଖବର ପାଇ ବହୁତ ଖୁସି ହୋଇଛି କମେଣ୍ଟ ଦେଇଛନ୍ତି । ଜଣେ ଦର୍ଶକ ଲେଖିଛନ୍ତି, ”ଓ ମାଇ ଗଡ” ଏହା ବହୁତ ବଡ କଥା । ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି ୱା ଜି ୱା । ଚଳଚ୍ଚିତ୍ର ‘ଡବଲ ଏକ୍ସଏଲ’ରେ ସୋନାକ୍ଷୀ ସିହ୍ନାଙ୍କୁ ମଧ୍ୟ ଦେଖିବାକୁ ମିଳିବ । ହୁମା ଓ ସୋନାକ୍ଷୀ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ।

ଏହା ସହ ଜାହିର ଇକବାଲ ମଧ୍ୟ ଏଥିରେ ଅଭିନୟ କରିଛନ୍ତି । ମହିଳାମାନେ ତାଙ୍କ ଜୀବନରେ ସମ୍ମୁଖୀନ ହେଉଥିବା ସମସ୍ୟାକୁ ନେଇ ଫିଲ୍ମଟି ତିଆରି ହୋଇଛି । ଫିଲ୍ମର କାହାଣୀ ଲେଖିଛନ୍ତି ମୁଦାସାର ଅଜିନ । ନିର୍ଦ୍ଦେଶନା ଦେଇଛନ୍ତି ସାତ୍ରାମମ ରାମାଇ । ୨୦୨୨ ନଭେମ୍ବର ୪ରେ ଫିଲ୍ମ ମୁକ୍ତିଲାଭ କରିବ । ନିକଟରେ କ୍ରିକେଟ ମୈଦାନରୁ ସିଧା ଫିଲ୍ମ ଦୁନିଆରେ ପାଦ ଦେଇଛନ୍ତି ମାହି । ହିରୋ ନ ହୋଇଥିଲେ ବି ନିଜର ଏକ ପ୍ରଡକ୍ସନ୍ ହାଉସ୍  ଲଞ୍ଚ କରିଛନ୍ତି । ମାହି ତାଙ୍କ ପ୍ରଡକ୍ସନ୍ ହାଉସର ନାମ ‘ଧୋନି ଏଣ୍ଟରଟେନମେଣ୍ଟ’  ରଖିଛନ୍ତି ।

ପ୍ରକାଶ ଥାଉ କି, ଭାରତୀୟ କ୍ରିକେଟର ଜଣେ ଷ୍ଟାର ବ୍ୟାଟର ହେଉଛନ୍ତି ଶିଖର ଧାୱନ । ଗତକାଲି ତାଙ୍କ ନେତୃତ୍ବରେ ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜକୁ ୨-୧ରେ ଜିତି ବିଜୟୀ ହୋଇଛି ଟିିମ ଇଣ୍ଡିଆ ।