ଅଶ୍ଲୀଳ ଭିଡିଓ ଭାଇରାଲ ଅଭିଯୋଗରେ ଯୁବକ ଗିରଫ

ଅଶ୍ଳୀଳ ଭିଡିଓ ଭାଇରାଲ ଅଭିଯୋଗରେ ଯୁବକ ଗିରଫ। ଅଭିଯୁକ୍ତ ଯୁବକ ହେଲେ ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଅନ୍ତର୍ଗତ ତୋଟାପଡ଼ା ଗ୍ରାମର। ଅଭିଯୁକ୍ତ ତୋଟାପଡ଼ା ଗ୍ରାମର ମତିଲାଲ ମହାନ୍ତଙ୍କ ପୁଅ ଦେବେନ୍ଦ୍ର ମହାନ୍ତ ବୋଲି ଜଣାପଡିଛି। ରାସଗୋବନ୍ଦପୁର ଥାନା ପୋଲିସ ଓ ବଡାମପୁର ଫାଣ୍ଡି ପୋଲିସ ମିଳିତ ଭାବେ ଚଢ଼ାଉ କରି ମଦ କାଉଣ୍ଟର ପାଖରୁ ଅଭିଯୁକ୍ତ ଯୁବକ ଦେବେନ୍ଦ୍ରକୁ ଗିରଫ କରିଛି। ଅଭିଯୁକ୍ତ ଯୁବକଙ୍କ ନାମରେ ପୂର୍ବରୁ ଅନେକ ମାମଲା ରୁଜୁ ହୋଇଛି।

ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ତେବେ ଯୁବକ ଜଣକ ଦୁଇ ସନ୍ତାନର ପିତା ହୋଇ ଅନ୍ୟ ଏକ ଯୁବତୀଙ୍କ ସହିତ ଅନୈତିକ ସମ୍ପର୍କରେ ରହି ବ୍ଲାକମେଲିଙ୍ଗ କରୁଥିଲା। ତେବେ ଏହି ଘଟଣା ସ୍ଥାନୀୟ ଅଞ୍ଚଳରେ ପ୍ରଘଟ ପରେ ପିଡ଼ିତା ନିଜେ ଥାନରେ ଲିଖିତ ଅଭିଯୋଗ କରିଥିଲେ।