୧୨ କୁଇଣ୍ଟାଲ ୨୮ କେଜି ଗଞ୍ଜେଇ ଜବତ, ଜଣେ ଗିରଫ

୧୨ କୁଇଣ୍ଟାଲ ୨୮ କେଜି ଗଞ୍ଜେଇ ଜବତ, ଜଣେ ଗିରଫ । ରାୟଗଡା ଜିଲ୍ଲା ରାମନାଗୁଡାରୁ ଏକ ଆଇଚର ଟ୍ରକରେ ଚାଲାଣ ବେଳେ ଜବତ କରିଛି ପୋଲିସ । ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।

ଖବର ଅନୁଯାୟୀ, ରାମନାଗୁଡା ଠାରେ ପୋଲିସ ଚେକିଂ ବେଳେ ଏକ ଆଇଚର ଟ୍ରକକୁ ସନ୍ଦେହରେ ଅଟକାଇଥିଲା ପୋଲିସ୍ । ଗାଡି ଯାଞ୍ଚ୍ କରିବାରୁ ସେଥିରୁ ୩୫ଟି ବସ୍ତାରେ ଥିବା୧୨୨୮ କେଜି ଗଞ୍ଜେଇ ଜବତ ହୋଇଛି। ଚୋରା ଚାଲାଣରେ ବ୍ୟବହୃତ ଗୋଟିଏ କାର ଓ ବୁଲେଟ ଜବତ କରାଯାଇଛି । ଅଭିଯୁକ୍ତ ଜଣକ ରାୟଗଡା ଜିଲ୍ଲା ରାମନାଗୁଡା ବ୍ଲକ ଅନ୍ତର୍ଗତ ଗୁମୁଡ଼ା ନିକଟସ୍ଥ ଗୋପାଳପୁର ଗାଁର ସୁନୀଲ ଗୌଡ଼ ବୋଲି ଜଣାପଡିଛି । ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯିବ । ଏଥିସହ ଏଥିରେ ସମ୍ପୃକ୍ତ ଅନ୍ୟମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି ଗୁଣୁପୁର ଉପଖଣ୍ଡ ଆରକ୍ଷୀ ଅଧିକ୍ଷକ ଅଜୟ କୁମାର ବାରିକ ସୂଚନା ଦେଇଛନ୍ତି ।