ଖୋର୍ଦ୍ଧରୋଡ୍ ଷ୍ଟେସନରୁ ୨୧ କି.ଗ୍ରା ଗଞ୍ଜେଇ ଜବତ
ଖୋର୍ଦ୍ଧାରୋଡ ରେଳ ଷ୍ଟେସନରୁ ରେଲୱେ ପୁଲିସ(ଜିଆର୍ପି) ୨୦ କିଲୋ ୯୦୦ ଗ୍ରାମ ଗଞ୍ଜେଇ ଜବତ କରିଛି । ଏହାକୁ ଚାଲାଣ କରୁଥିବା ଗଞ୍ଜାମ ଜିଲ୍ଲା କୋଦଳା ଥାନା ଅଞ୍ଚଳର ମନୋଜ କୁମାର ବେହେରାଙ୍କୁ ଜିଆର୍ପି ଗିରଫ କରି କୋର୍ଟଚାଲାଣ କରାଯାଇଛି। ଜବତ ଗଞ୍ଜେଇର ମୂଲ୍ୟ ୨ଲକ୍ଷ ୯ ହଜାର ଟଙ୍କା ହେବ ବୋଲି ଜିଆର୍ପି ଅଧିକାରୀ ଧରଣୀଧର ପ୍ରଧାନ କହିଛନ୍ତି । ସଡ଼କ ପଥରେ ଏହି ଗଞ୍ଜେଇ ଆଣି ଅହମ୍ମଦାବାଦ ଚାଲାଣ ପାଇଁ ଖୋର୍ଦ୍ଧାରୋଡ ଷ୍ଟେସନରେ ପୁରୀ- ଅହମ୍ମଦାବାଦ ଏକ୍ସପ୍ରେସକୁ ଅଭିଯୁକ୍ତ ଅପେକ୍ଷା କରିଥିବା ବେଳେ ବିଶେଷସୂତ୍ରରୁ ଖବର ପାଇ ପୁଲିସ ଚଢ଼ଉ କରିଥିଲା ।