୫ ରାଜ୍ୟ ପାଇଁ ମନା ରାଲି ଓ ରୋଡ ଶୋ

ବଢ଼ୁଛି କୋଭିଡ ସଂକ୍ରମଣ, ନିର୍ବାଚନ ପାଇଁ ହଟିବନି କଟକଣା । ୫ ରାଜ୍ୟ ବିଧାନସଭା ନିର୍ବାଚନରେ ରାଲି, ଶୋଭାଯାତ୍ରା ଓ ରୋଡ୍ ଶୋ ଉପରେ କଟକଣା ଜାରି କରାଯାଇଛି ।। କୋଭିଡ ସଂକ୍ରମଣ ଓ ଟିକାକରଣ ସ୍ଥିତିକୁ ନେଇ ଶନିବାର ବସିଥିବା ବୈଠକରେ ଏହି ନିଷ୍ପତ୍ତି ନେଇଛନ୍ତି ନିର୍ବାଚନ କମିଶନର ।
ଏହି ବୈଠକରେ ମୁଖ୍ୟ ନିର୍ବାଚନ ଆୟୋଗ ସାମିଲ୍ ଥିଲେ । ବୈଠକରେ ଉଚ୍ଚ ପଦାଧିକାରୀ, ନିର୍ବାଚନ ହେଉଥିବା ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଯୋଗ ଦେଇଥିଲେ । ବୈଠକରେ ରାଜ୍ୟର ପ୍ରମୁଖ ସ୍ୱାସ୍ଥ୍ୟ ସଚିବ ଓ ମୁଖ୍ୟ ସଚିବ ଟିକାକରଣ ଓ ସଂକ୍ରମଣ ସ୍ଥିତି ନେଇ ସୂଚନା ଦେଇଥିଲେ । ଏହାପରେ ସ୍ୱାସ୍ଥ୍ୟ ସଚିବଙ୍କ ସହ ସମୀକ୍ଷା କରିଥିଲେ । ଯାହାପରେ କଟକଣା ବଳବତ୍ତର ରହିବା ନେଇ ନିଷ୍ପତ୍ତି ନିଆଯାଇଛି ।
ସୂତ୍ର ଅନୁସାରେ, କୋଭିଡ୍ ସ୍ଥିତି ସୁଧୁରିଲେ ଛୋଟ ସଭା, ଘର ଘର ବୁଲି କ୍ୟାମ୍ପେନିଂ ଉପରେ କିଛି କଟକଣା ଛାଡ଼ କରାଯାଇପାରେ । କଟକଣା ପଛରେ ମଣିପୁରରେ ଟିକାକରଣ ହାର ସନ୍ତୋଷଜନକ ନଥିବା କୁହାଯାଉଛି । ପଞ୍ଜାବରେ ଦ୍ରୁତ ଟିକାକରଣ ଚାଲିଥିଲେ ମଧ୍ୟ ଲକ୍ଷରେ ପହଞ୍ଚିବା ଲାଗି ସମୟ ଲାଗିବ । ତେବେ ଗୋଆ, ଉତ୍ତରାଖଣ୍ଡ ଓ ୟୁପିରେ ଟିକାକରଣ ଏବଂ ସଂକ୍ରମଣ ସ୍ଥିତିରେ ସୁଧାର ଆସିଛି ।