ମାଆ ବନିଲେ ପ୍ରିୟଙ୍କା ଚୋପ୍ରା

ବଲିଉଡ୍ ଓ ହଲିଉଡ୍ର କପଲ ତଥା ଲୋକପ୍ରିୟ ଅଭିନେତ୍ରୀ ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ଓ ନିକ୍ ଜୋନ୍ସ ନିକଟରେ ମାତା ପିତା ବନିଛନ୍ତି। ଫଳରେ ପ୍ରିୟଙ୍କା ଚୋପ୍ରା ମଧ୍ୟ ଅଭିଭାବକ କ୍ଲବ୍ରେ ସାମିଲ ହୋଇଛନ୍ତି। ଶୁକ୍ରବାର ପ୍ରିୟଙ୍କା ସୋସିଆଲ ମିଡିଆରେ ପୋଷ୍ଟ ଜରିଆରେ ମା’ ବନିଥିବା ନେଇ ସୂଚନା ଦେଇ ସମସ୍ତଙ୍କୁ ଚକିତ କରି ଦେଇଛନ୍ତି। ଏହି ଦମ୍ପତି ସରୋଗେସି ଜରିଆରେ ପ୍ରଥମ ସନ୍ତାନକୁ ଜନ୍ମ ଦେଇଛନ୍ତି। ତେବେ ପ୍ରିୟଙ୍କାଙ୍କର ଏହି ସନ୍ତାନକୁ ନେଇ ଏବେ ବି ସସ୍ପେନ୍ସ ରହିଛି। ପ୍ରିୟଙ୍କା ନିଜ ପୋଷ୍ଟରେ ମା’ ବନିଥିବା ନେଇ ସୂଚନା ତ ଦେଇଛନ୍ତି, କିନ୍ତୁ ତାଙ୍କର ପୁଅ ହୋଇଛି କି ଝିଅ ସେ ନେଇ ସେ ସ୍ପଷ୍ଟ କରିନାହାନ୍ତି।
ତେବେ ଏକ ରିପୋର୍ଟ ମୁତାବକ, ପ୍ରିୟଙ୍କାଙ୍କ ସନ୍ତାନ ଗତ ଶନିବାର ଦିନ କାଲିଫର୍ଣ୍ଣିଆରେ ଜନ୍ମ ହୋଇଛି। କିନ୍ତୁ ଏଥିରେ କେତେ ସତ୍ୟତା ଅଛି ତାହା ଜଣାନାହିଁ। ତେବେ କୁହାଯାଉଛି ଯେ ପ୍ରିୟଙ୍କାଙ୍କ ଘରେ ଏକ ଝିଅ ଜନ୍ମ ନେଇଛି। ତାଙ୍କ ଘରକୁ ଲକ୍ଷ୍ମୀ ଆସିଛନ୍ତି ବୋଲି କୁହାଯାଉଛି। କିନ୍ତୁ ଏହି କଥାରେ କେତେ ସତ୍ୟତା ଅଛି ତାହା ଏବେ ଯାଏଁ ଜଣାପଡ଼ିନାହିଁ।
ସନ୍ତାନ ଜନ୍ମ ନେଇ ପ୍ରିୟଙ୍କା ଚୋପ୍ରା ନିଜ ଇନ୍ଷ୍ଟାଗ୍ରାମ୍ରେ ଲେଖିଛନ୍ତି, ଆମେ ଏହି ଖବର ସେୟାର କରି ଖୁସି ହେଉଛୁ ଯେ ଆମେ ସରୋଗେଟ୍ ସାହାଯ୍ୟରେ ଏକ ସନ୍ତାନକୁ ସ୍ୱାଗତ କରିଛୁ। ଆମେ ସମ୍ମାନ ପୂର୍ବକ ଏହି ଖାସ୍ ସମୟରେ ଗୋପନୀୟତା ଚାହୁଁଛୁ। କାରଣ ଆମେ ଏବେ ଆମ ପରିବାର ଉପରେ ସମସ୍ତ ଧ୍ୟାନ ଦେବାକୁ ଚାହୁଁଛୁ।