ଅଧୁରା ରହିଲା ଜଗା ଦର୍ଶନ,ଦୁର୍ଘଟଣାରେ ଚାଲିଗଲା ଦୁଇ ସାଙ୍ଗର ଜୀବନ

ମହାପ୍ରଭୁ ଙ୍କ ଦର୍ଶନ ପାଇଁ ଆସୁଥିଲେ ପୁରୀ । କିନ୍ତୁ ଅଧା ବାଟରେ ଜଗିବସିଥିଲା ଯମ । ଟ୍ରକ ସହ ବାଇକର ମୁହାଁ ମୁହିଁ ଧକ୍କା ହୋଇ ଚାଲିଗଲା ଦୁଇ ଜୀବନ । ପୁରୀ ମାଳତୀପାଟପୁର ନିକଟରେ ଘଟିଛି ଏପରି ଏକ ମର୍ମନ୍ତୁଦ ଦୁର୍ଘଟଣା ।
ଖବର ଅନୁଯାୟୀ, ତିନିଜଣ ଯୁବକ ବାଇକର ଯାଉଥିବା ବେଳେ ମାଲତୀପାଟପୁର ନିକଟରେ ଏକ ଟ୍ରକ ସହିତ ମୁହାଁମୁହିଁ ଧକ୍କା ହୋଇଥିଲା । ଯାହାଫଳରେ ୨ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିବା ବେଳେ ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ମୃତକ ଦୁଇଜଣ ହେଲେ ପିପିଲି ଓରକଳ ଗାଁର କବାଡି ଖେଳାଳି ତ୍ରିଲୋଚନ ପ୍ରଧାନ ଓ ସିଦ୍ଧାର୍ଥ ଦାସ।
ସେହିପରି ଗୁରୁତର ଥିବା ବ୍ୟକ୍ତିଙ୍କ ନାମ ପ୍ରଦୀପ ଦାସ । ତାଙ୍କୁ ଚିକିତ୍ସା ନିମନ୍ତେ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ତେବେ ମାଳତୀପାଟପୁର ଠାରେ ଯିବା ଆସିବା ପାଇଁ ଦୁଇଟି ପୃଥକ ରାସ୍ତା ଥିବାବେଳେ ଗୋଟିଏ ପାର୍ଶ୍ବ ରାସ୍ତା ବନ୍ଦ ଥିବା ଯୋଗୁଁ ବିଭିନ୍ନ ସମୟରେ ଦୁର୍ଘଟଣା ଘଟି ଅନେକ ଅମୂଲ୍ୟ ଜୀବନ ଚାଲିଯାଉଥିବା ଦେଖିବାକୁ ମିଳିଛି।