ବାହା ହେବେ ଗୁନଗୁନ
ଓଲିଉଡ୍ ଇଣ୍ଡଷ୍ଟ୍ରିର ଚୁଲବୁଲି ନାୟିକା ତଥା ଟିଭି ଉପସ୍ଥାପିକା ଗୁନ୍ଗୁନ୍ ଏବେ ହାତକୁ ଦି ହାତ ହେବାକୁ ଯାଉଛନ୍ତି। ସେ ବିଜନେସ୍ ମ୍ୟାନ୍ ଅଭିସ୍ମିତ ନାୟକଙ୍କୁ ବିବାହ କରୁଛନ୍ତି। ଆସନ୍ତାକାଲି ବା ନଭେମ୍ବର ୩୦ରେ ଗୁନ୍ଗୁନ୍ ଓ ଅଭିସ୍ମିତ ସାତ ଜନ୍ମ ପାଇଁ ପରସ୍ପରର ହୋଇଯିବେ। ଏ ନେଇ ସୋସିଆଲ ମିଡିଆରେ ସୂଚନା ଦେଇଛନ୍ତି ନିଜେ ଗୁନ୍ଗୁନ୍। ଗୁନ୍ଗୁନ୍ ନିଜ ଇନ୍ଷ୍ଟାଗ୍ରାମ୍ରେ ଏକ ଫଟୋ ସେୟାର କରି ବିବାହ ସମ୍ପର୍କରେ ସୂଚନା ଦେଇଛନ୍ତି। ଏହି ଫଟୋରେ ଗୁନ୍ଗୁନ୍ ଓ ଅଭିସ୍ମିତ ରୋମାଣ୍ଟିକ୍ ପୋଜ୍ ଦେଉଥିବାର ନଜର ଆସିଛନ୍ତି। ପୋଷ୍ଟ ସେୟାର କରି ଗୁନ୍ଗୁନ୍ କ୍ୟାପସନ୍ରେ ଲେଖିଛନ୍ତି- ଈଶ୍ୱର ଓ ଭଗବାନଙ୍କ ଆର୍ଶୀବାଦରୁ ୩୦ ନଭେମ୍ବର, ୨୦୨୧ରେ ଆମେ ଏକ ନୂଆ ଜୀବନ ଆରମ୍ଭ କରିବାକୁ ଯାଉଛୁ।