ସାଇକେଲ ଥୋଇ ନଦୀକୁ ଡେଇଁ ପଡ଼ିଲେ

କଟକ :ଚୌଦ୍ୱାର ବିରୂପା ବ୍ରିଜ ଉପରୁ ଚପଲ ଏବଂ ସାଇକେଲ ରଖିଲେ । ହେଲେ ବ୍ୟକ୍ତି ଜଣକ ବିଜ୍ର ଉପରୁ ବିରୂପା ନଦୀ ଗର୍ଭକୁ ଡେଇଁପଡିଲେ । ହେଲେ ବ୍ୟକ୍ତି ଜଣକ କିଏ ଓ କାହିଁକି ନଦୀକୁ ଡେଇଁପଡିଲେ ତାହାକ କୌଣସି କାରଣ ଏଯାଏ ଜଣାପଡିନାହିଁ । 

ଘଟଣାସ୍ଥଳରେ ପୋଲିସ ଓ ଚୌଦ୍ୱାର ଅଗ୍ନିଶମବାହିନୀ ପକ୍ଷରୁ ରେସକ୍ୟୁ ଉପରେସନ ଜାରି ରହିଛି । ଦିନ ପ୍ରାୟ ଗୋଟାଏ ବେଳେ ବ୍ରିଜ ଉପରେ ସାଇକେଲ ଏବଂ ଚପଲ ଥୋଇ ନଦୀ ଗର୍ଭକୁ ଡେଇଁ ପଡିଥିବା ଜଣାପଡିଛି । ଏନେଇ ଆଉ ଜଣେ ବ୍ୟକ୍ତି ପୋଲିସକୁ ସୂଚନା ଦେଇଥିଲେ । ଖବର ପାଇ ଜଗତପୁର ପୋଲିସ ଓ ଚୌଦ୍ୱାର ଅଗ୍ନିଶମ ବାହିନୀ ପହଞ୍ଚି ଖୋଜାଖୋଜି ଆରମ୍ଭ କରିଛନ୍ତି । 

ତେବେ ନିଖୋଜ ଥିବା ବ୍ୟକ୍ତି ଜଣକ କେଉଁ ଅଞ୍ଚଳର । ସେ କାହିଁକି ଆତ୍ମହତ୍ୟା ଉଦ୍ୟମ କରିଛନ୍ତି ତାହାର କାରଣ ଖୋଜୁଛି ପୋଲିସ । ଅନ୍ୟପଟେ ଅଗ୍ନିଶମ ବାହିନୀ ପ୍ରାୟ ୪ ଘଣ୍ଟାର ସର୍ଚ୍ଚ ଅପରେସନ ପରେ ମଧ୍ୟ ନିଖୋଜ ବ୍ୟକ୍ତିଙ୍କ କୌଣସି ପତ୍ତା ମିଳିପାରିନାହିଁ ।