ଆଜି ଠାରୁ ୩ଦିନ ଯାଏଁ ମା’ଶାରଳାଙ୍କ ପୀଠରେ ୧୪୪ ଧାରା ଲାଗୁ

ମା’ ଶାରଳାଙ୍କ ପୀଠରେ ୧୪୪ ଧାରା । ଜଗତସିଂହପୁର ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ଶାରଳାଙ୍କ ମହାଷ୍ଟମୀ ପୂଜା । ତେଣୁ ଆଜିଠୁ ୧୪ ତାରିଖ ଯାଏ ମାଆଙ୍କ ପୀଠରେ ୧୪୪ ଧାରା ଲାଗୁ ହୋଇଛି । ଶ୍ରଦ୍ଧାଳୁଙ୍କୁ ପୀଠକୁ ଆସିବାକୁ ବାରଣ କରିଛି ପ୍ରଶାସନ।

କରୋନା ସଂକ୍ରମଣ ପାଇଁ କେବଳ ସୀମିତ ସଂଖ୍ୟକ ପୂଜକ ଓ ସେବକଙ୍କୁ ନେଇ ଚାଲିଛି ପୂଜାର୍ଚ୍ଚନା । ଏବେ ମା’ ମହିଷାମର୍ଦ୍ଦିନୀ ବେଶରେ ଦର୍ଶନ ଦେଉଛନ୍ତି । ସନ୍ଧ୍ୟାରେ ସୁନାବେଶ ଅନୁଷ୍ଠିତ ହେବ । ସ୍ୱତନ୍ତ୍ର ଏସଓପି ମାନି ପାର୍ବଣ ପୂଜା ସମାପନ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି।