ରୁଷରେ ବିମାନ ଦୁର୍ଘଟଣାଗ୍ରସ୍ତ, ୧୬ ମୃତ

ମସ୍କୋ: ରବିବାର ଦିନ ରୁଷର ତାତରସ୍ତାନ ଅଞ୍ଚଳରେ ଏକ ଛୋଟ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଇମର୍ଜେନ୍ସି ମନ୍ତ୍ରଣାଳୟର ଅଧିକାରୀ କହିଛନ୍ତି ଯେ ଦୁର୍ଘଟଣାରେ ୧୬ ଜଣଙ୍କର ମୃତ୍ୟୁ ହୋଇଥିବାବେଳେ ୭ ଜଣଙ୍କୁ ବିମାନର ଧ୍ୱଂସାବଶେଷରୁ ଜୀବନ୍ତ ଉଦ୍ଧାର କରାଯାଇଛି। ସେମାନଙ୍କ ଅବସ୍ଥା ଗୁରୁତର ରହିଛି । ବିମାନରେ ୨୧ ଜଣ ପାରାସ୍ୟୁଟ୍ ଡାଇଭରଙ୍କ ସମେତ ୨୩ ଜଣ ଥିଲେ।ଜରୁରୀକାଳୀନ ସେବା ସୂଚନା ଅନୁଯାୟୀ ମୃତକଙ୍କ ମଧ୍ୟରେ ବିମାନର ଦୁଇ ପାଇଲଟ ମଧ୍ୟ ଅଛନ୍ତି।। ପ୍ରତ୍ୟକ୍ଷଦର୍ଶୀ କହିଛନ୍ତି ଯେ ବିମାନଟି ଉଡ଼ାଣ ଭରିବାର କିଛି ମିନିଟ୍ ପରେ ତଳେ ଖସିପଡିଥିଲା।

ବିମାନଟି ବହୁ ପୁରୁଣା ଥିଲା। ଏହା ଦୁର୍ଘଟଣାର ମୁଖ୍ୟ କାରଣ ବୋଲି କୁହାଯାଉଛି।ଏଲ୍-୪୧୦ ମଡେଲର ଏହି ଛୋଟ ବିମାନଟି ସ୍ଥାନୀୟ ଏରୋ ବିମାନ ସହିତ ଜଡିତ ଥିଲା | ଏହା ଏକ ଟୁଇନ୍ ଇଞ୍ଜିନ ସର୍ଟ ରେଞ୍ଜ ଟର୍ବୋ ପ୍ରପ ଏୟାରକ୍ରାଫ୍ଟ ଥିଲା | ଏହି ଟ୍ରାନ୍ସପୋର୍ଟ ବିମାନକୁ ଚେକ୍ ରିପବ୍ଲିକରେ ୧୯୭୦ ଦଶକ ପୂର୍ବରୁ ନିର୍ମାଣ କରାଯାଇଥିଲା।