ଗୁରୁ ଦିବସ ଅବସରରେ ଓଡ଼ିଶାର ୨ ଶିକ୍ଷକଙ୍କୁ ଜାତୀୟ ପୁରସ୍କାର ପ୍ରଦାନ

ଭୁବନେଶ୍ୱର: ଗୁରୁ ଦିବସ ଅବସରରେ ଓଡିଶାର ଦୁଇ ଜଣଙ୍କ ସମେତ ଦେଶର ୪୪ ଜଣ ଶିକ୍ଷକଙ୍କୁ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଜାତୀୟ ପୁରସ୍କାରରେ ସମ୍ମାନିତ କରାଯାଇଛି । ନୂଆଦିଲ୍ଲୀରେ ଭର୍ଚୁଆଲ୍ ଉତ୍ସବରେ ରାଷ୍ଟ୍ରପତି ରାମନାଥ କୋବିନ୍ଦ ଶିକ୍ଷକଙ୍କୁ ପୁରସ୍କାର ପ୍ରଦାନ କରିଛନ୍ତି । ଏହି ଅବସରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ଥିଲେ । ଏ ବର୍ଷ ଓଡିଶାର ଦୁଇ ଶିକ୍ଷକ ଅଶୋକ କୁମାର ଶତପଥୀ ଓ ଅଜିତ କୁମାର ସେଠୀ ଜାତୀୟ ଶିକ୍ଷା ପୁରସ୍କାର ପାଇଛନ୍ତି । ଭଦ୍ରକର ଜିଲ୍ଲା ସରକାରୀ ସ୍କୁଲରେ ଅଶୋକ ଶତପଥୀ ବିଜ୍ଞାନ ଶିକ୍ଷକ ଭାବେ କାର୍ୟ୍ୟରତ ଥିବା ବେଳେ ଅଜିତ ସେଠୀ ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ ଅନ୍ତର୍ଗତ କଣମଣା ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଅଛନ୍ତି ।