ଭାରତର ପ୍ରଥମ ୱିକେଟର ପତନ

ନଟିଂହାମ: ଇଂଲଣ୍ଡ ବିପକ୍ଷରେ ଦ୍ୱିତୀୟ ଦିନ ଖେଳ ଜାରି ରଖିଛି ଭାରତ । ଲଞ୍ଚ ପୂର୍ବରୁ ଭାରତକୁ ଲାଗି ବଡ଼ ଝଟକା । ଭରଷାଯୋଗ୍ୟ ଓପନର ବ୍ୟାଟ୍ସମ୍ୟାନ ରୋହିତ ଶର୍ମା ଆଉଟ ହୋଇ ପାଭିଲିୟନ ଫେରିଛନ୍ତି । ରୋହିତ ୧୦୭ଟି ବଲ ଖେଳି ୩୬ ରନ କରିଛନ୍ତି । ରବିନସନଙ୍କ ବଲରେ କ୍ୟାଚ ଆଉଟ ହୋଇ ପାଭିଲିୟନ ଫେରିଛନ୍ତି ରୋହିତ । ସାଥୀ ଖେଳାଳୀ ରାହୁଲ ୪୮ ରନ କରି ପଡ଼ିଆରେ ମହଜୁଦ ଅଛନ୍ତି । ପ୍ରଥମ ପାଳିର ଦ୍ୱିତୀୟ ଦିନ ଚାଲିଥିବା ବେଳେ ଭାରତ ୯୭ ରନ ସଂଗ୍ରହ କରିଛି । ୮୬ ରନ ପଛରେ ରହିଛି ଦଳ । ତେବେ ଦଳ ଏକ ବଡ଼ ଲିଡ ଦେବ ବୋଲି ଆଶା ରଖାଯାଇଛି । ଦଳର ଅଧିନାୟକ ବିରାଟ କୋହଲି ଏବଂ ପୂଜାରା ପଡିଆରେ ଅଧିକ ସମୟ ତିଷ୍ଠି ରହିବେ ବୋଲି ମଧ୍ୟ ଆଶା ରଖାଯାଇଛି ।