ଗିରଫ ହେଲେ ୧୪ କାଉଡିଆ
ନୂଆଦିଲ୍ଲୀ: କରୋନା କଟକଣା ଲାଗି ଶ୍ରାବଣ ମାସରେ କାଉଡ଼ି ଯାତ୍ରା ଲାଗି ସରକାର ରୋକ ଲଗାଇଛନ୍ତି । ତେବେ କିଛି କାଉଡ଼ିଆ ନିୟମକୁ ଅମାନ୍ୟ କରିଥିବା ପଡିଛି ମହଙ୍ଗା । ଅମାନିଆ କାଉଡିଆଙ୍କୁ ଗିରଫ କରିଛି ପୋଲିସ । ଉତ୍ତରାଖଣ୍ଡରୁ ଆସିଛି ଏଭଳି ଖବର । ଶ୍ରାବଣ ମାସର ପ୍ରଥମ ସୋମବାରରେ କାଉଡିଆମାନେ ଅମାନିଆ ହୋଇ ପାଣି ନେଉଥିବା ବେଳେ ଗିରଫ କରାଯାଇଛି ।
ସୋମବାର ଥିବାରୁ ହରିଦ୍ବାରର ହର କି ପୌରୀ ଘାଟ ପର୍ୟ୍ୟନ୍ତ ପହଞ୍ଚି ୧୪ଜଣ କାଉଡିଆ ଗୋରୁଆ ରଙ୍ଗର ବସ୍ତ୍ର ପିନ୍ଧିଥିବା ବେଳେ ‘ବମ-ବମ ଭୋଲେ’ର ନାରା ଦେଇଥିଲେ। ଏହାପରେ ପୁଲିସ ସମସ୍ତଙ୍କୁ ଗିରଫ କରି ନେଇଛି। ଏହି ୧୪ଜଣଙ୍କ ବ୍ୟତୀତ ପୁଲିସ ଆଉ ଦୁଇଜଣ ଦୋକାନୀଙ୍କୁ ବି ଗିରଫ କରିଛି। ଯେଉଁମାନେ କି କାଉଡିଆ ଯାତ୍ରା ସହିତ ଜଡ଼ିତ ଥିବା ସାମଗ୍ରୀ ବିକୁଥିଲେ।