ଚେକିଂ କରୁଥିବା ହାବିଲଦାରଙ୍କ ଉପରେ ଅଟୋ ଚଢ଼ାଇ ଦେଲା ମଦ୍ୟପ ଡ୍ରାଇଭର

ଭୁବନେଶ୍ୱର: ଚେକିଂ କରୁଥିଲେ ଟ୍ରାଫିକ ବାବୁ । ସପ୍ତହାନ୍ତ ସଟଡାଉନ ହୋଇଥିବାରୁ ଜୋରଦାର ଚାଲିଥିଲା ଚେକିଂ । ତେବେ ଚେକିଂ କରୁଥିବା ହାବିଲଦାରଙ୍କ ଉପରେ ଅଟୋ ଚଢ଼ାଇ ଦେଇଛି ଜଣେ ମଦ୍ୟପ ଡ୍ରାଇଭର । ରାଜଧାନୀ ଭୁବନେଶ୍ୱର କଳ୍ପନା ଛକରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଆହତ ଦାବିଲଦାର ଜଣକ ହେଲେ ସରୋଜ କୁମାର । ତାଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ସଙ୍କଟାପର୍ଣ୍ଣ ହେବାରୁ ଏମ୍ସ ହସ୍ପିଟାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ଆଜି ସପ୍ତାହନ୍ତ ସଟଡାଉନ୍ ହୋଇଥିବାରୁ ଭୁବନେଶ୍ଵରର ବିଭିନ୍ନ ସ୍ଥାନରେ ପୋଲିସ ପକ୍ଷରୁ ଚେକିଂ ଜାରି ରହିଛି । ଏହି ମଧ୍ୟରେ ଭୁବନେଶ୍ଵର କଳ୍ପନା ଛକରେ ଚେକିଂ ଚାଲିଥିବା ବେଳେ ଅଘଟଣ ଘଟିଛି । ସକାଳ ସମୟରେ କଲ୍ପନା ଛକରେ ଦ୍ରୁତ ଗତିରେ ଆସୁଥିବା ଏକ ଅଟୋକୁ ଅଟକାଇବା ବେଳେ ଜଣେ ହାବିଲଦାର ତଳେ ପଡିଯାଇଥିଲେ । ଏହି ସମୟରେ ମଦ୍ୟପ ଅଟୋ ଚାଳକ ଜଣଙ୍କ ହାବିଲଦାରଙ୍କ ମୁଣ୍ଡରେ ଅଟୋ ଚଢାଇ ଦେଇଥିଲେ ।

ଗୁରୁତର ହାବିଲଦାର ଜଣଙ୍କ ହେଲେ ମେଜର ସରୋଜ କୁମାର ପ୍ରଧାନ । ତାଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଏମ୍ସକୁ ସ୍ଥାନାନ୍ତର କରାଯାଇଛି । ଅଟୋ ଚାଳକ ମଧ୍ୟ ଆହତ ହୋଇଥିବା ଜଣାପଡିଛି ।