ସ୍ୱାମୀଙ୍କୁ ମାଡ଼ ମାରି ସ୍ତ୍ରୀକୁ ଦୁଷ୍କର୍ମ କଲା ଦୁର୍ବୁତ୍ତ

ବରଗଡ଼: ଅଭଦ୍ରାମୀର ସବୁସୀମା ପାର । ବିବାହିତା ମହିଳାଙ୍କ ଘରେ ପସି ଦୁଷ୍କର୍ମ । ମହିଳାଙ୍କ ସ୍ୱାମୀ ବାଧା ଦେବାରୁ ତାଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି । ବରଗଡ଼ ଜିଲ୍ଲା ଭେଡେନ ଥାନା ଗୁରୁପାଲି ଗାଁରୁ ଆସିଛି ଏଭଳି ଲଜ୍ଜାଜନକ ଖବର । ପୋଲିସ ଅଭିଯୁକ୍ତ ଯୁବକକୁ ଗିରଫ କରି କୋର୍ଟ ଚାଲାଣ କରିଛି । ସେପଟେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଆରମ୍ଭ ହୋଇଛି ।

ଗୁରୁପାଲି ଗାଁରେ ରହୁଥିଲେ ସ୍ୱାମୀ ସ୍ତ୍ରୀ । କିଛିଦିନ ହେବ ଅଭିଯୁକ୍ତ ଜଣକ ମହିଳାଙ୍କୁ ଖରାପ ନଜରରେ ଦେଖି ଆସୁଥିଲା । ସ୍ୱାମୀ ନଥିବାର ସୁଯୋଗ ନେଇ ଘରେ ପଶି ବଳପୂର୍ବକ ଦୁଷ୍କର୍ମ କରିଥିଲେ । ପରେ ମହିଳାଙ୍କ ସ୍ୱାମୀ ଆସି ପହଞ୍ଚିଥିଲେ । ସେ ବାଧା ଦେବାକୁ ତାଙ୍କୁ ନିସ୍ତୁକ ପିଟିଥିଲା ଦୁର୍ବୃତ୍ତ । ଉଭୟ ସ୍ୱାମୀ ସ୍ତ୍ରୀ ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।