କରୋନାର ଦ୍ୱିତୀୟ ଲହରରେ ୨ ଲକ୍ଷ କୋଟି କ୍ଷତି ହୋଇଛି: ଆରବିଆଇ

ନୂଆଦିଲ୍ଲୀ: କରୋନାର ଦ୍ୱିତୀୟ ଲହରରେ ଦେଶରେ ଅନେକ କ୍ଷତି ହୋଇଛି । ଅନେକଙ୍କ ଜୀବନ ଯାଇଥିବାବେଳେ ବହୁ ଲୋକ ଜୀବିକା ମଧ୍ୟ ହରାଇଛନ୍ତି । ତେବେ ଦେଶର ଅର୍ଥନୀତି ଉପରେ ମଧ୍ୟ ଏହାର ପ୍ରଭାବ ପଡ଼ିଥିବା କୁହାଯାଉଛି । କରୋନାର ଦ୍ୱିତୀୟ ଲହର ଯୋଗୁଁ ଚଳିତ ଆର୍ଥିକ ବର୍ଷରେ ଦେଶର ଅର୍ଥନୀତିରେ ଦୁଇ ଲକ୍ଷ କୋଟି ଟଙ୍କା କ୍ଷତି ହୋଇଛି। ଏହି କ୍ଷତି ମୁଖ୍ୟତ ସ୍ଥାନୀୟ ତଥା ରାଜ୍ୟ ସ୍ତରୀୟ ଲକଡାଉନ୍ ର ଚାହିଦା ଉପରେ ପ୍ରତିକୂଳ ପ୍ରଭାବ ଯୋଗୁଁ ହୋଇଛି । ଏହା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ର ଆକଳନ କରିଛି ।

ଯାହା ଦେଶର ଅର୍ଥନୀତି ଉପରେ ବୁଧବାର ପ୍ରକାଶିତ ରିପୋର୍ଟରେ କରୋନା ମହାମାରୀର ପ୍ରଭାବର ବିସ୍ତୃତ ସମୀକ୍ଷା କରିଛି। ଆରବିଆଇ କହିଛି ଯେ , କରୋନା ଟିକା ଏକ ବଡ ଆବିଷ୍କାର, କିନ୍ତୁ କେବଳ ଟୀକାକରଣ ଏହି ମହାମାରୀକୁ ରୋକିପାରିବ ନାହିଁ। ଆମକୁ କରୋନା ସହିତ ବଞ୍ଚିବାର ଅଭ୍ୟାସ କରିବା ସହିତ ସ୍ୱାସ୍ଥ୍ୟସେବା ଏବଂ ଲଜିଷ୍ଟିକ୍ସରେ ଅଧିକ ବିନିଯୋଗ କରିବାକୁ ସରକାରଙ୍କୁ ପ୍ରାଥମିକତା ଦେବା ଆବଶ୍ୟକ ।