ବାତ୍ୟା ପ୍ରଭାବିତଙ୍କୁ ସହଯୋଗର ହାତ ବଢ଼ାଇଲା ‘ଦି ହ୍ୟୁମାନିଟି ଏକ୍ସପ୍ରେସ୍ ଫାଉଣ୍ଡେସନ’

ବାଲେଶ୍ୱର: ଚାଲିଯାଇଛି ବାତ୍ୟା ୟାଶ୍ । ହେଲେ ଛାଡ଼ି ଚାଲିଯାଇଛି ଚିହ୍ନ । ଲୋକେ ଘରଦ୍ୱାର ହରାଇବା ସହ ବହୁ ସମ୍ପତି ହରାଇଛନ୍ତି । ତେବେ ଏଭଳିସ୍ଥଳରେ ଲୋକଙ୍କୁ ସହଯୋଗର ହାତ ବଢ଼ାଇଛି ‘ଦି ହ୍ୟୁମାନିଟି ଏକ୍ସପ୍ରେସ୍ ଫାଉଣ୍ଡେସନ’ । ବାଲେଶ୍ୱର ସଦର ପାରିକ ପଞ୍ଚାୟତର ଗୋକୁଳଳପୁର ବତିଶିମାଣିଆର ଲୋକଙ୍କୁ ସହଯୋଗର ହାତ ବଢ଼ାଇଛି ଫାଉଣ୍ଡେସନ ।

ବାତ୍ୟା ପ୍ରଭାବିତଙ୍କ ନିକଟକୁ ଯାଇ ଶୁଖିଲା ଖାଦ୍ୟ ଏବଂ ରନ୍ଧା ଖାଦ୍ୟ ବଣ୍ଟନ କରାଯାଇଛି । ଯେଉଁ ସ୍ଥାନରେ ପ୍ରଶାସନ ପହଞ୍ଚିନାହିଁ ସେଠାରେ ଫାଉଣ୍ଡେସନର ସଦସ୍ୟମାନେ ପହଞ୍ଚି ଲୋକଙ୍କୁ ସହଯୋଗର ହାତ ବଢ଼ାଇଛନ୍ତି । ସଂସ୍ଥାର ଯୁବ ସ୍ୱେଛାସେବୀ ପ୍ରଶାନ୍ତ କୁମାର ବେହେରା, ସଦାଶିବ ମୁଦୁଲି, ଦିଲ୍ଲୀପ କୁମାର ଦାସ, ବ୍ରଜମୋହନ ସ୍ୱାଇଁ ଏବଂ ସନ୍ତୋଷଙ୍କ ଭଳି ଯୁବକମାନେ ସହଯୋଗ କରୁଥିବା ଦେଖିବାକୁ ମିଳିଛି । ତେବେ ଆଗାମୀଦିନରେ ଏଭଳି ସେବା ଜାରି ରହିବ ବୋଲି କହିଛନ୍ତି ସଂସ୍ଥାର ଚେୟାରମ୍ୟାନ ଦୀପକ ସାହୁ ।