ଶ୍ରୀପୁରୁଷୋତ୍ତମ ଭକ୍ତନିବାସର ସମୀକ୍ଷା କଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ
ପୁରୀ: ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଶନ କୁମାର ଶ୍ରୀପୁରୁଷୋତ୍ତମ ଭକ୍ତ ନିବାସ ପରିଦର୍ଶନ କରିଛନ୍ତିି । ପୁରୀ ଜେଲ୍ ରୋଡରେ ଚାଲିଥିବା ଏହି ଭକ୍ତ ନିବାସର ନିର୍ମାଣ କାର୍ଯ୍ୟ ଚାଲୁରହିଛି । ତେବେ ଆଜି ସେଠାକୁ ଯାଇ ସମୀକ୍ଷା କରିଛନ୍ତି ମୁଖ୍ୟ ପ୍ରଶାସକ ।
ପୁରୀ ଆସୁଥିବା ଭକ୍ତଙ୍କ ଲାଗି ମନ୍ଦିର ପ୍ରଶାସନ ପକ୍ଷରୁ କରାଯାଇଛି ସୁନ୍ଦର ସୁବିଧା । ଭକ୍ତ ନିବାସ ନିର୍ବାଣ ହେଉଥିବା କୋଠାଟି ହେଉଛି ଏ+୩ କୋଠା । ଯେଉଁଠାରେ କି ୧୩୮ ରୁମ୍ ଉପଲବ୍ଧ ରହିଛି । । ସମସ୍ତ କୋଠରୀଗୁଡ଼ିକ ଶୀତତାପ ନିୟନ୍ତ୍ରିତ ହେବ ଏବଂ ଯୁକ୍ତିଯୁକ୍ତ ଶୁଳ୍କରେ ରୁମ ଉପଲବ୍ଧ ହେବ । କୋଠରୀଗୁଡ଼ିକ ଆବଶ୍ୟକତା ଅନୁଯାୟୀ ସୌନ୍ଦର୍ୟ୍ୟ କରଣ କରାଯିବ ।
ଭକ୍ତ ନିୱାସ ଭକ୍ତ , ତୀର୍ଥଯାତ୍ରୀଙ୍କ ଆରାମ ପାଇଁ ପାୱାର ବ୍ୟାକ୍ ଅପ୍, ଅଗ୍ନି ନିରାପତ୍ତା ବ୍ୟବସ୍ଥା, ଲିଫ୍ଟ, ଚାରି ଚକିଆ ଯାନ ଏବଂ ଦୁଇ ଚକିଆ ପାର୍କିଂ ସ୍ଥାନ ଏବଂ ଡ୍ରାଇଭରମାନଙ୍କ ପାଇଁ ବିଶ୍ରାମ ସେଡ୍ ଯୋଗାଇଦେବା ପାଇଁ ସମସ୍ତ ଆବଶ୍ୟକୀୟ ସୁବିଧା ପ୍ରଦାନ କରିବେ। କାର୍ତ୍ତିକ ମାସ ସୁଦ୍ଧା ଏହି ପ୍ରକଳ୍ପ ଶେଷ ହେବାର ସମ୍ଭାବନା ଅଛି ।