ତାଣ୍ଡବ ରଚୁଛି ୟାସ୍: ଗଛ ପଡ଼ି ଜଣେ ମୃତ

ଆନନ୍ଦପୁର: ଲ୍ୟାଣ୍ଡଫଲ୍ କରିବା ପୂର୍ବରୁ ତାଣ୍ଡବ ରଚୁଛି ବାତ୍ୟା ୟାସ । ତେବେ ବାତ୍ୟା ପ୍ରଭାବରେ ବିଭିନ୍ନ ସ୍ଥାନରେ ଗଛ ଭାଙ୍ଗି ବ୍ୟାପକ କ୍ଷୟକ୍ଷତି ଘଟିଥିବା ସମୟରେ ଆନନ୍ଦପୁରରେ ଘଟିଯାଇଛି ଅଘଟଣ ।ଆନନ୍ଦପୁର ବ୍ଳକ୍ ପଞ୍ଚୁପଲ୍ଲୀ ଗାଁରେ ପ୍ରବଳ ପବନ କାରଣରୁ ଗଛ ପଡ଼ି ଜଣକର ଜୀବନ ଚାଲି ଯାଇଛି । ତେବେ ମୃତକ ଜଣଙ୍କ ହେଲେ ପୂର୍ଣ୍ଣଚନ୍ଦ୍ର ନାୟକ ।କୌଣସି କାରଣରୁ ଘର ବାହାରକୁ ଯାଇଥିବା ବେଳେ ଗଛ ଉପୁଡି ପଡିଥିଲା । ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।

ଅନ୍ୟପକ୍ଷେ, ବାଲେଶ୍ୱରରେ ମଧ୍ୟ ବାତ୍ୟା ୟାସ ପ୍ରଭାବରେ ଅଘଟଣ ଘଟିଛି ।ସୂଚନା ଅନୁଯାୟୀ, ରେଲୱେ କଲୋନୀ ନିକଟରେ ଘରେ ମାଆ ସହ ୨ ଝିଅ ଓ ପୁଅ ଶୋଇଥିବା ସମୟରେ ଘରେ ଉପରେ ଗଛ ପଡ଼ି ଯାଇଥିଲା । ତେବେ ଘଟଣା ପରେ ମା ଓ ୨ ଝିଅ ଘରୁ ବାହାରି ପଡ଼ିଥିବା ସମୟରେ ପୁଅଟି ଚାପି ହୋଇଯାଇଥିଲା। ତେବେ ଖବର ପାଇ ସଙ୍ଗେ ସଙ୍ଗେ ଦମକଳବାହିନୀ ଘଟଣାସ୍ଥଳରେ ପହଞ୍ଚି ଯୁବକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି।