ମଙ୍ଗଳାବାଗ ଥାନାକୁ ଆସିଲା ହାଇଦରର କାର୍

କଟକ: ଗ୍ୟାଙ୍ଗଷ୍ଟର ହାଇଦର ଧରାପଡ଼ିବା ପରେ ଗୋଟିଏ ପରେ ଗୋଟିଏ କାରନାମା ପଦାକୁ ଆସୁଛି । ଚମ୍ପଟ ମାରିବା ଘଟଣାରେ ଆଉ ୩ ଜଣଙ୍କୁ ପୋଲିସ ଗିରଫ କରିଥିବାବେଳେ ଏସସିବିରୁ ଯେଉଁ କାରରେ ଚମ୍ପଟ ମାରିଥିଲା ସେଇ କାର କଟକରେ ପହଞ୍ଚିଛି । ବ୍ରହ୍ମପୁର ନିକଟ ଗୋଳନ୍ଥରା ଚେକ୍ ଗେଟରୁ କାରଟିକୁ ଜବତ କରିଥିଲା କମିସନର ପୁଲିସ । ଗାଡ଼ି ନମ୍ବର ହେଉଛି ଓଡି-୦୨-ଏଏସ୍- ୬୭୭୦ । ଏହା ହେଉଛି ଏକ ମାରୁତି ସୁଇଫ୍ଟ ଡିଜାୟାର ଗାଡି, ଯେଉଁ ଗାଡିରେ ହିଁ ଫେରାର ହୋଇଥିଲା ହାଇଦର ।

ଏହି ଗାଡିରେ ହାଇଦର ତେଲାଙ୍ଗାନା ଯାଇଥିବା ପୁଲିସ ଗୁଇନ୍ଦା ତଥ୍ୟ ପାଇଥିଲା । ଏନଏଚଏଅ ।ଇର ଅ ।ପ ମାଧ୍ୟମରେ ଗାଡି ନମ୍ବର ଦେଇ ଗାଡିର ଲୋକେସନ୍ ଜାଣିବାକୁ ପାଇଥିଲା ପୁଲିସ । ଓଡିଶା ସୀମାର ବ୍ରହ୍ମପୁୁର ନିକଟ ଗୋଳନ୍ଥରା ଚେକ୍ ଗେଟରେ ଏହି ଗାଡି ୧୦ ତାରିଖରେ ଅତିକ୍ରମ କରିଥିବା ପୁଲିସ ଜାଣିପାରିଥିଲା । ସେଠୁ ଇଚ୍ଛାପୁରମ୍-ଆନ୍ଧ୍ର-ତେଲେଙ୍ଗାନାରେ ପହଂଚିଥିଲା । ମଛଲିପଟନମ୍ ରୁ ଡାହାଣ ଆଡକୁ ଯାଇ ବିଜୟୱାଡା-ହାଇଦ୍ରାବଦ୍ ଯାଇଥିଲା । ସେଇଠୁ ପୁଲିସ ଜାଣିଗଲା ଯେ, ହାଇଦର ବେଙ୍ଗାଲୁରୁ କିମ୍ବା ଚେହ୍ନାଇ ନ ଯାଇ ହାଇଦ୍ରାବାଦରେ ଅଛି ।