ପୋଲିସର ଅପରେସନ୍ ହାଇଦର

କଟକ : କୁଖ୍ୟାତ ଗ୍ୟାଙ୍ଗଷ୍ଟ ହାଇଦର ଚମ୍ପଟ ମାରିବାପରେ ତାକୁ ଧରିବା ପାଇଁ ପୋଲିସ ଆପ୍ରାଣ ଉଦ୍ୟମ ଆରମ୍ଭ କରିଛି । ଏ ନେଇ ସ୍ପଷ୍ଟ କରିଛନ୍ତି ଜେଲ ଡିଜି । ଏସସିବିରେ ଚିକିତ୍ସତ ଥିବାବେଳେ ସୁରକ୍ଷାକର୍ମୀଙ୍କୁ ଧକ୍କା ମାରି ସେ ଖସି ପଳାଇଥିବା ସ୍ପଷ୍ଟ କରିଛନ୍ତି ଡିଜି । ତାକୁ ଧରିବା ପାଇଁ ଉଦ୍ୟମ ଚାଲିଛି । ଯାଜପୁର, କେନ୍ଦ୍ରାପଡ଼ା ଏସପି ଓ କଟକ ଡିସିପି ମିଳିତ ଅପରେସନ୍ ଆରମ୍ଭ କରିଛନ୍ତି ବୋଲି ଡିଜି ସୂଚନା ଦେଇଛନ୍ତି ।

ସେହିପରି କଟକ ଡିସିପି ପ୍ରତୀକ ସିଂ କହିଛନ୍ତି ଯେ, ଗ୍ୟାଙ୍ଗଷ୍ଟର ହାଇଦରକୁ ଧରିବା ପାଇଁ ଏକ ବଡ ସର୍ଚ୍ଚ ଅପରେସନ୍ ଆରମ୍ଭ ହୋଇଛି । କଟକ ସହର ସୀମା ସିଲ୍ କରାଯାଇ ସର୍ଚ୍ଚ ଆରମ୍ଭ କରାଯାଇଛି । ଜିଲ୍ଲା ବାହାରକୁ ସେ କିଭଳି ନ ଯାଇପାରିବ ସେ ନେଇ ସୀମାନ୍ତ ଏସ୍ପିଙ୍କୁ ସୂଚନା ଦିଆଯାଇଛି । ସେ ଯେପରି ରାଜ୍ୟ ବାହାରକୁ ନ ଯାଇ ପାରିବ ଯାଞ୍ଚ କଡ଼ାକଡ଼ି କରାଯାଇଛି । ଏକାଧିକ ସ୍କ୍ୱାଡ ଗଠନ କରାଯାଇ ସର୍ଚ୍ଚ ଆରମ୍ଭ କରାଯାଇଛି । ତାକୁ ଖୁବଶୀଘ୍ର ଗିରଫ କରାଯିବ । ସମ୍ବଲପୁରରୁ ଆସିଥିବାରୁ ସେଠାକାର ଜଣେ ସୁରକ୍ଷାକର୍ମୀ ମୁତୟନ ଥିଲେ । ସୁରକ୍ଷାକର୍ମୀଙ୍କୁ ଧକ୍କା ମାରି ସେ ଖସିଯିବାରେ ସଫଳ ହୋଇଥିଲେ । ସୁରକ୍ଷାକର୍ମୀ ଏବେ ଅସୁସ୍ଥ ଅଛନ୍ତି ଓ କିଛି କହିପାରୁନାହାଁନ୍ତି ବୋଲି ଡିସିପି କହିଛନ୍ତି ।