ବଟି ଆଦାୟକୁ କେନ୍ଦ୍ରକରି ଯୁବକଙ୍କୁ ଆକ୍ରମଣ

ପୁରୀ: ପୁରୀ ବାସେଳି ସାହି ଥାନା ମିଶ୍ରସାହିରେ ଯୁବକଙ୍କୁ ଆକ୍ରମଣ। ବଟି ଆଦାୟକୁ କେନ୍ଦ୍ରକରି ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ୩ ଜଣ ଦୁର୍ବୃତ୍ତ । ଗୁରୁତର ଅବସ୍ଥାରେ ଯୁବକଙ୍କୁ ପ୍ରଥମେ ପୁରୀ ମୁଖ୍ୟ ଡାକ୍ତରଖାନା ଓ ପରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଗୁରୁତର ଯୁବକ ହେଲେ ପ୍ରଦୀପ ତ୍ରିପାଠୀ ଓରଫ ସୁକାନ୍ତ ।

ବଟି ଆଦାୟକୁ କେନ୍ଦ୍ର କରି ସୁକାନ୍ତକୁ ତିନି ଜଣ ଯୁବକ ଆକ୍ରମଣ କରିଥିବା ଅଭିଯୋଗ ହୋଇଛି । କିଛିଦିନ ଧରି ସୁକାନ୍ତକୁ ଏମାନେ ବଟି ଦେବାକୁ ଧମକ ଦେଉଥିଲେ । ଆଜି ସକାଳୁ ସୁକାନ୍ତ ମାର୍କଣ୍ଡେୟ ପୁଷ୍କରିଣୀକୁ ଯାଉଥିବା ସମୟରେ ଦୁବୃର୍ତ୍ତମାନେ ଭୁଜାଲିରେ ଆକ୍ରମଣ କରିଥିଲେ । ପୁରୀ ବାସେଳିସାହି ପୋଲିସ ଘଟଣାର ତଦନ୍ତ କରୁଛି। ତେବେ ପୁରୀ ସହରରେ ଦିନକୁ ଦିନ ଅପରାଧ ବଢି ବଢି ଚାଲିଛି । ରାହାଜାନି, ଲୁଟ୍, ଆକ୍ରମଣ ବୃଦ୍ଧି ପାଉଛି । ଦିନକୁ ଦିନ ଅଶାନ୍ତ ହୋଇପଡୁଛି ସହର । କେହି କେହି ଆକ୍ରମଣର ଶିକାର ହେଉଥିବା ବେଳେ ଲୁଟେରାଙ୍କ ପାର୍ଦୁଭାବ ବଢି ବଢି ଚାଲିଛି । ସହରରେ ଆଇନ ଶୃଙ୍ଖଳା ବ୍ୟବସ୍ଥା ବଢାଇବାକୁ ସାଧାରଣରେ ଦାବି ହେଉଛି ।