ହୋଲଡ଼ିଂ ଟ୍ୟାକ୍ସ ନଦେଲେ ଘର ହେବ ନାହିଁ ସିଲ୍: ବିଏମସି

ଭୁବନେଶ୍ୱର: ହୋଲଡ଼ିଂ ଟ୍ୟାକ୍ସ ନଦେଲେ ଘର ସିଲ୍ ହେବ ନାହିଁ । ଘର ସିଲ୍ ହେବା ଖବର ସମ୍ପୂର୍ଣ୍ଣ ମିଛ । ଏଭଳି କୌଣସି ଚିଠି ବିଏମସି ପକ୍ଷରୁ ଜାରି କରାଯାଇନାହିଁ ବୋଲି କହିଛନ୍ତି ବିଏମସି ରେଭେନ୍ୟୁ ଡେପୁଟି କମିଶନର, ଶ୍ରୀମନ୍ତ ମିଶ୍ର ।

ସେ କହିଛନ୍ତି ଯେ, ଜନସାଧାରଣ ବ୍ୟସ୍ତ ହେବା ଆବଶ୍ୟକ ନାହିଁ । କିନ୍ତୁ ପ୍ରତ୍ୟେକ ବର୍ଷ ପରି ଏବର୍ଷ ମଧ୍ୟ ୱାର୍ଡ଼ ଅଫିସର୍, ଟିସି, ସୁପରଭାଇଯରମାନଙ୍କୁ ଟାର୍ଗେଟ ଫିଲପ୍ କରିବା ପାଇଁ ଚିଠି କରାଯାଇଛି । ଚଳିତ ବର୍ଷ ୨୮କୋଟି ଟଙ୍କା ଟ୍ୟାକ୍ସ ଆଦାୟ କରାଯାଇଛି । ତେବେ ପୂର୍ବଭଳି ହୋଲଡ଼ିଂ ଟ୍ୟାକ୍ସ ଆଦାୟ ଜାରି ରହିବ ବୋଲି କହିଛନ୍ତି ବିଏମସି ରେଭିନ୍ୟୁ ଡେପୁଟି କମିଶନର ଶ୍ରୀମନ୍ତ ମିଶ୍ର ।