ପୋଲିସକୁ ସଫଳତା ଲକ୍ଷାଧିକ ଟଙ୍କାର ଅଫିମ ଗଛ ନଷ୍ଟ

ପାଳଲହଡା : ଅନୁଗୋଳ ଜିଲ୍ଲା ପାଳଲହଡା ବ୍ଲକ ଅନ୍ତର୍ଗତ ନଗିରା ପଞ୍ଚାୟତ ର ଶିବିଡା ନିକଟସ୍ଥ ଏକ ପାହାଡିଆ ଅଞ୍ଚଳରେ ଗତକାଲି ଲକ୍ଷାଧିକ ଟଙ୍କାର ଅଫିମ ଗଛ ସବୁକୁ ପୋଲିସ ଠାବ କରି ତାକୁ ପୋଡ଼ି ନଷ୍ଟ କରି ଦେଇଛନ୍ତି । ଖବର ରୁ ଜଣାଯାଏ ପାଳଲହଡା ର ଉକ୍ତ ପାଉଡି ଭୂୟାଁ ଅଞ୍ଚଳ ଗୁଡିକ ଘଞ୍ଚ ଜଙ୍ଗଲ ଥିବା ବେଳେ କେନ୍ଦୁଝର ସିମାନ୍ତ ରେ ଅବସ୍ଥାପିତ ଅଟେ ।

ଦୀର୍ଘ ଦିନ ହେବ କିଛି ମାଫିଆ ଉକ୍ତ ଅଞ୍ଚଳରେ ଆଡା ଜମାଇ ବିଭିନ୍ନ ଅପରାଧିକ ବ୍ୟବସାୟ ତଥା ଗଞ୍ଜେଇ, ଅଫିମ ଭଳି ଚୋରା ଚାଲାଣ ବ୍ୟବସାୟ ଓ ଚାଷ ଆରମ୍ଭ କରି ସକ୍ରିୟ ଥିଲେ । କୈଣସି ସୂତ୍ରରୁ ଖବର ପାଇ ପାଳଲହଡା ଉପଖଣ୍ଡ ସ୍ତରୀୟ ପୋଲିସ ଅଧିକାରୀଣୀ (S.D.P.O. ) ସୁମନ ରଞ୍ଜିତ ସିଂ ଙ୍କ ନେତୃତ୍ବରେ ଏକ ଟିମ ଗଠନ କରାଯାଇ ଗତକାଲି ମଧ୍ୟାହ୍ନରେ ଉକ୍ତ ବିପଦ ସଙ୍କୁଳ ଜଙ୍ଗଲ କୁ ଯାଇ ଅତର୍କିତ ଚଢ଼ାଉ କରିଥିଲେ । ଚଢ଼ାଉ ସମୟରେ ୧୨ ହଜାର ସ୍କାୟାରଫୁଟ ପରିମିତ ଲକ୍ଷାଧିକ ଟଙ୍କାର ଅଫିମ ଗଛକୁ ପୋଡି ନଷ୍ଟ କରିବା ସହିତ , ଏକ ପାଣି ପମ୍ପ, ପାଣି ପାଇପ ଓ ଜଣେ ଅପରିଚିତ ବ୍ୟକ୍ତି କୁ ଗରଫ କରି ପୋଲିସ ଅଧିକ କରୁଥିବା ସୂଚନା ମିଳିଛି । ପୋଲିସ ର ଏ ପଦକ୍ଷେପ କୁ ବିଭିନ୍ନ ମହଲରେ ପ୍ରାସଂଶା କରାଯାଇଛି |