ଝରାଫୁଲ ମର୍ଡର: ପୋଲିସ ହାତରେ ବଡ଼ ସୁରାକ୍

ଭୁବନେଶ୍ୱର: ରମାଦେବୀ ଛାତ୍ରୀ ଝରାଫୁଲ ମୃତ୍ୟୁ ଘଟଣାରେ ପୋଲିସ ହାତରେ ଲାଗିଲା ବଡ ତଥ୍ୟ | ଭୁବନେଶ୍ୱର ସୁନ୍ଦରପଦାରୁ ମିଳିଲା ଝରାଫୁଲଙ୍କ ମୃତଦେହ ବୁହା ହୋଇଥିବା ସ୍କୁଟି । ସ୍କୁଟି ଜବତ ନେଇ ପୋଲିସ ପକ୍ଷରୁ ସୂଚନା ଦିଆଯାଇଛି। ଜବତ ସ୍କୁଟିରେ ଝରାଫୁଲଙ୍କ ମୃତଦେହକୁ ଯାଜପୁର ନେଇ ରାସ୍ତାକଡ଼ରେ ଫିଙ୍ଗିଥିଲା ବୟଫ୍ରେଣ୍ଡ ରାକେଶ ସ୍ୱାଇଁ । ଆଉ ଯେଉଁଥିରେ ରାକେଶର ସାଥ ଦେଇଥିଲା ତା ସାଙ୍ଗ ଶେଖର | ତେବେ ଘଟଣାରେ ଏବେ ପର୍ଯ୍ୟନ୍ତ ରାକେଶର ସାଥି ଶେଖରର ଟେର ପାଇପାରିନି ପୋଲିସ ।

ଗତକାଲି ରମାଦେବୀ ଛାତ୍ରୀ ମୃତ୍ୟୁ ମାମଲାରେ ଅଭିଯୁକ୍ତକୁ ଯାଜପୁରରୁ ଭୁବନେଶ୍ୱରକୁ ଆଣି ସିନ-ରିକ୍ରିଏଟ୍ କରିଥିଲା ପୋଲିସ । ସୁନ୍ଦରପଦାରେ ଥିବା ଅଭିଯୁକ୍ତର ଘରଠୁ ଆରମ୍ଭ କରି ପୋଖରୀପୁଟ ମଧୁସୁଦନ ପାର୍କ, ଫାଷ୍ଟଫୁଡ ଦୋକାନ ଓ ଗେଷ୍ଟ ହାଉସକୁ ନେଇ ସିନ୍ ରି-କ୍ରିଏଟ୍ କରିଛି ଯାଜପୁର ପୋଲିସ । ଗେଷ୍ଟ ହାଉସରେ ରହିବା ସମୟରେ ରାକେଶ ଓ ଝରାଫୁଲଙ୍କ ମଧ୍ୟରେ କଣ ସବୁ ଘଟିଥିଲା । ସେନେଇ ଗୋଟି ଗୋଟି କରି ପୋଲିସ ସାମ୍ନାରେ ଡେମୋ ଦେଖାଇଛି ରାକେଶ । କିନ୍ତୁ ଏତେ ସବୁ ପରେ ମଧ୍ୟ ପୋଲିସ ଫେରାର ରାକେଶର ପତ୍ତା ପାଇ ପାରୁନଥିବା ବେଳେ ମୃତ୍ୟୁ ରହସ୍ୟ ଉପରୁ ମଧ୍ୟ ପରଦା ହଟି ପାରୁନି |