ଦିଆ ମିର୍ଜାଙ୍କ ପୂର୍ବତନ ମ୍ୟାନେଜର ଗିରଫ୍

ମୁମ୍ବାଇ: ଅଭିନେତ୍ରୀ ଦିଆ ମିର୍ଜାଙ୍କ ପୂର୍ବତନ ମ୍ୟାନେଜରଙ୍କୁ ଏବେ ଏନସିବି ଗିରଫ କରିଛି | ସୂଚନା ଅନୁସାରେ ଶନିବାର ରାତିରେ ଏନସିବି ଚାରି ଜଣଙ୍କୁ ଗିରଫ କରିବା ସହ ବିପୁଳ ପରିମାଣର ଗଞ୍ଜେଇ ମଧ୍ୟ ଜବତ କରିଛି | ଗିରଫ ଅଭିଯୁକ୍ତଙ୍କ ମଧ୍ୟରେ ଦିଆ ମିର୍ଜାଙ୍କ ପୂର୍ବତନ ମ୍ୟାନେଜର ଫନିର୍ଚର ବାଲା ଓ ଓ ତାଙ୍କ ଭଉଣୀକୁ ସାହିସ୍ତାଙ୍କୁ ଗିରଫ୍ କରାଯାଇଛି । ଦିଆ ମୀର୍ଜାଙ୍କ ପୂର୍ବତନ ମ୍ୟାନେଜର ଥିବା ରହିଲା ଓ ତାଙ୍କ ଭଉଣୀଙ୍କ ଘରେ ଚଢାଉ କରି ଏନସିବି ୨ ଶହ କିଲୋ ଗଞ୍ଜେଇ ଜବତ୍ କରିଛି ।

ଏନସିବିର ସୂଚନା ଅନୁଯାୟୀ, ଏନେଇ ଅଧିକ ତଦନ୍ତ ଜାରି ରହିଛି । ଏନସିବି ପକ୍ଷରୁ କୁହାଯାଇଛି କି ବାନ୍ଦ୍ରା ୱେଷ୍ଟରେ ଏକ କୋରିଅରରୁ ଗଞ୍ଜେଇ ଜବତ୍ କରାଯାଇଛି । ଏହାପରେ ଅନୁସନ୍ଧାନ କରାଯାଇ କରନ୍ ସଜନାନୀଙ୍କ ଘରୁ ମଧ୍ୟ ବିପୁଳ ପରିମାଣର ଗଞ୍ଜେଇ ଜବତ ହୋଇଛି । ସେଠାରୁ କିଛି ସୂଚନା ପାଇ ଏନସିବି ଦିୟାଙ୍କ ପୂର୍ବତନ ମ୍ୟାନେଜର ରହିଲା ଫର୍ନିଚର ବାଲାଙ୍କ ଘରେ ଚଢାଉ କରିଥିଲା । ରହିଲା ଓ ତାଙ୍କ ଭଉଣୀଙ୍କ ନିକଟରୁ ବି ଏନସିବି ବିପୁଳ ପରିମାଣର ଗଞ୍ଜେଇ ଜବତ କରିଥିବା ସୂଚନା ମଳିଛି । ଜବତ୍ ହୋଇଥିବା ଗଞ୍ଜେଇ ଆନୁମାନିକ ୨ କୁଇଣ୍ଟାଲ ହେବ ବୋଲି ଅନୁମାନ କରାଯାଇଛି ।