ବାର୍ଡ ଫ୍ଲୁ ଆତଙ୍କ: ଖୋର୍ଦ୍ଧାରେ କୁକୁଡ଼ା ମଡ଼କ

ଖୋର୍ଦ୍ଧା : ଦେଶର ଅନେକ ରାଜ୍ୟରେ ବାର୍ଡ ଫ୍ଲୁ ଆତଙ୍କ ଖେଳାଇଛି । ଗତକାଲି ପର୍ଯ୍ୟନ୍ତ ଓଡ଼ିଶାରେ ବାର୍ଡ ଫ୍ଲୁ ହୋଇ ନଥିବା ନେଇ ମୁଖ୍ୟ ଶାସନ ସଚିବ ସୂଚନା ଦେଇଥିବା ବେଳେ ଆଜି ଖୋର୍ଦ୍ଧା ଜିଲ୍ଲାରୁ ଆସିଛି କୁକୁଡ଼ା ମଡ଼କର ଖବର। ସୂଚନାନୁଯାୟୀ, ବେଗୁନିଆର ବଡ଼ବେରଣ ଗାଁରେ ଏକ ଫାର୍ମରେ କୁକୁଡ଼ା ମଡ଼କ ଦେଖିବାକୁ ମିଳିଛି । ଗତକାଲି ୬ ଶହରୁ ୭ ଶହ କୁକୁଡ଼ା ମରିଥିବା ସୂଚନା ମିଳିଛି । ୩ ଦିନ ହେଲାଣି ଏହି ଫାର୍ମରେ ମରୁଛନ୍ତି ଶହ ଶହ କୁକୁଡ଼ା । ତେବେ କୁକୁଡ଼ା ମଡ଼କର କାରଣ ଅସ୍ପଷ୍ଟ ଥିବା ବେଳେ ଘଟଣା ସ୍ଥଳରେ ପହଞ୍ଚି ନାହାନ୍ତି କୌଣସି ପ୍ରାଣୀ ଚିକିତ୍ସିକ ।