ଡବଲ ମର୍ଡର ଘଟଣାରେ ଗିରଫ ସଂଖ୍ୟା ୫କୁ ବୃଦ୍ଧି
କଟକ :ମାହାଙ୍ଗା ଡବଲ ମର୍ଡର ଘଟଣାରେ ଆଉ ଜଣେ ଅଭିଯୁକ୍ତ ଗିରଫ । ଘଟଣାରେ ଗିରଫ ଅଭିଯୁକ୍ତଙ୍କ ସଂଖ୍ୟା ୫କୁ ବୃଦ୍ଧି । ମାହାଙ୍ଗା ଡବଲ ମର୍ଡର ଘଟଣାରେ ଗତକାଲି ୪ ଅଭିଯୁକ୍ତଙ୍କୁ କଟକ ଗ୍ରାମାଞ୍ଚଳ ପୁଲିସ୍ ଗିରଫ କରିଥିବା ବେଳେ ଆଉ ଜଣେ ଅଭିଯୁକ୍ତଙ୍କୁ ଗିରଫ କରିଛି ପୁଲିସ । କାଲି ରାତିରେ ଗିରଫ ହୋଇଥିବା ଅଭିଯୁକ୍ତଙ୍କ ନାଁ କୈଳାସ ଖଟୁଆ।
ସୂଚନାନୁଯାୟୀ, ଗତକାଲି ଗିରଫ ହୋଇଥିବା ୪ ଅଭିଯୁକ୍ତ ହେଲେ ଅରବିନ୍ଦ ଖଟୁଆ, ପଞ୍ଚାନନ ସେଠୀ(ମୁଖ୍ୟ ଅଭିଯୁକ୍ତ), ଲଳିତମୋହନ ବରାଳ ଓ କ୍ଷୀତିଶ ଆଚାର୍ଯ୍ୟ । ଏଥିସହ ହତ୍ୟାକାଣ୍ଡରେ ବ୍ୟବହୃତ ମାରଣାସ୍ତ୍ର ଖଣ୍ଡା, ଗାଡି, ମୋବାଇଲ୍ ଜବତ କରି ତଦନ୍ତ ଚଳାଇଛି ପୁଲିସ । ସେପଟେ ଗତକାଲି ମୁଖ୍ୟ ଅଭିଯୁକ୍ତକୁ ପୁଲିସ ଘଟଣା ସ୍ଥଳକୁ ନେଇ ସେମାନେ କେମିତି ହତ୍ୟା କରିଥିଲେ ସେ ନେଇ ପୁଲିସକୁ ସଂପୂର୍ଣ୍ଣ ଡେମୋ କରି ଦେଖାଥିଲା ମୁଖ୍ୟ ଅଭିଯୁକ୍ତ । ଅଭିଯୁକ୍ତ ଠାରୁ ଡେମୋ ଦେଖିବା ପରେ ସିନ୍ ରିକ୍ରିଏସନ୍ କରିଥିଲା ପୁଲିସ । ଶନିବାର ରାତିରେ ବିଜେପି ନେତା କୁଳମଣି ବରାଳ ଓ ତାଙ୍କ ସହଯୋଗୀଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା ।