ରାସ୍ତାରେ ପଡ଼ିଛି ଟଙ୍କା ବିଡ଼ା
ଭୁବନେଶ୍ୱର: ରାଜଧାନୀ ରାଜରାସ୍ତାରେ ପଡ଼ିଛି ୫୦୦ ଟଙ୍କିଆ ୩ଟା ନୋଟ୍ ବଣ୍ଡଲ । ଏହି ନୋଟ୍ କାହାର ? ନୋଟ୍ ଅସଲି କି ନକଲି, ତାହା ଏବେ ପର୍ଯ୍ୟନ୍ତ ଜଣାପଡ଼ି ନାହିଁ। ଏହି ଖବର ପ୍ରକାଶ ପାଇବା ପରେ ନୋଟ୍ ପଡ଼ିଥିବା ସ୍ଥାନରେ ଲୋକଙ୍କ ଭିଡ ଜମିବାରେ ଲାଗିଛି।
ସୂଚନାନୁଯାୟୀ, ଆଜି ଗଙ୍ଗନଗର ଛକରେ ରାସ୍ତା ଉପରେ ୩ଟି ୫୦୦ ଟଙ୍କିଆ ନୋଟ୍ ବଣ୍ଡଲ ପଡ଼ିଥିବା ଦେଖିବାକୁ ମିଳିଥିଲା । ମାତ୍ର ଏହି ଟଙ୍କା କାହାର ଜଣାପଡ଼ି ନାହିଁ। ରାସ୍ତା ଉପରେ ବିଡ଼ା ବିଡ଼ା ଟଙ୍କା ପଡ଼ିଥିଲେ ମଧ୍ୟ କେହି ଉଠାଉ ନାହାନ୍ତି । ଲୋକମାନେ ରାସ୍ତାରେ ପଡ଼ିଥିବା ଟଙ୍କା ଦେଖିବା ପାଇଁ ଭିଡ ଜମାଇଛନ୍ତି। ଖବର ପାଇ କ୍ୟାପିଟାଲ୍ ଥାନା ପୁଲିସ ସେଠାରେ ପହଞ୍ଚି ଜଗି ରହିଛି। ହେଲେ ପୁଲିସ ଟଙ୍କା ଉଠାଉ ନାହିଁ। ସ୍ଥାନୀୟ ଲୋକଙ୍କ କହିବା ଅନୁସାରେ, ଗଙ୍ଗନଗର ଛକରେ ଦୁଇଟି ବାଇକ୍ ଧକ୍କା ହୋଇଥିଲା। ଦୁର୍ଘଟଣାଗ୍ରସ୍ତ ଜଣେ ଲୋକଙ୍କ ବ୍ୟାଗରୁ ଟଙ୍କା ଖସି ପଡ଼ିଥିଲା। ମାତ୍ର ସମ୍ପୃକ୍ତ ବ୍ୟକ୍ତି ଟଙ୍କା ନଉଠାଇ ପଳାଇ ଯାଇଥିବା ଜଣାପଡ଼ିଛି।