ନିୟମ ନମାନିଲେ ଦୃଢ କାର୍ୟ୍ୟାନୁଷ୍ଠାନ

ଭୁବନେଶ୍ୱର() କରୋନା କଟକଣା ମଧ୍ୟରେ ସମସ୍ତ ପେଣ୍ଡାଲରେ ପୂଜା ପାଉଛନ୍ତି ମା’ । ପର୍ବଣର ମହକ କରୋନା ପାଇଁ ଫିକା ପଡ଼ିଛି । ପୂଜାରେ ଭକ୍ତଙ୍କ ଦର୍ଶନ ଉପରେ କଟକଣା ପରେ ଏବେ ବିସର୍ଜନ ଉପରେ ବି ଲାଗିଛି କଟକଣା । ଜାତୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଜାରି କରିଥିବା କଟକଣାକୁ ପାଳନ କରିବାକୁ ଆଡଭାଇଜରି ଜାରି କରିଛି ବିଏମ୍ସି । ପୂର୍ବ ବର୍ଷମାନଙ୍କ ଭଳି ଚଳିତ ଥର ମଧ୍ୟ ଭୁବନେଶ୍ୱରର ସମସ୍ତ ମୃଣ୍ମୟ ମୂର୍ତ୍ତିଗୁଡିକି କମିଟିମାନେ ନିଜ ଇଛା ମୁତାବକ ବିସର୍ଜନ କରିପାରିବେ ନାହିଁ । ଏଥିପାଇଁ ବିଏମ୍ସି ପକ୍ଷରୁ ପ୍ରସ୍ତୁତ ହୋଇଥିବା କୁତ୍ରିମ ପୋଖରୀରେ ବା ଜଳାଶୟରେ ବିସର୍ଜନ କରିବାକୁ ନିର୍ଦେଶନାମା ଜାରି କରାଯାଇଛି ।

ବିଏମସି କମିଶନରଙ୍କ ଅଧ୍ୟକ୍ଷତାରେ ଏକ ବୈଠକ କରି ସମସ୍ତ ପୂଜା କମିଟି କର୍ମକର୍ତ୍ତାଙ୍କୁ ସଚେତନ କରାଯାଇଛି । ସେହିଭଳି ଏହି କଟକଣା କିଭଳି ଭାବେ କାର୍ୟ୍ୟକାରୀ ହେବ ସେଥିପାଇଁ ବିଏମସି, ଆଞ୍ଚଳିକ ପ୍ରଦୂଷଣ ନିୟନ୍ତ୍ରଣ ବୋର୍ଡ ଓ ପୋଲିସ ଅଧିକାରୀଙ୍କୁ ନେଇ ସ୍ୱତନ୍ତ୍ର ଟାସ୍କଫୋର୍ସ ଗଠନ କରାଯାଇଛି । ତେବେ ଏହି ନିର୍ଦ୍ଦେଶନାମକୁ ଅବମାନନା କଲେ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ ।