ବିଧାନସଭାରେ ପାରିତ ହେଲା ଆଉ ୫ଟି ବିଲ୍
ଭୁବନେଶ୍ୱର() କରୋନା କଟକଣା ମଧ୍ୟରେ ବିଧାନସଭା ମୌସୁମୀ ଅଧିବେଶନ ଶେଷ ହୋଇଛି । ବିଧାନସଭାକୁ ଅନିର୍ଦ୍ଧିଷ୍ଟ କାଳ ପାଇଁ ମୁଲତବୀ ଘୋଷଣା କରିଛନ୍ତି ବାଚଷ୍ପତି ସୂର୍ଯ୍ୟ ନାରାୟଣ ପାତ୍ର।
ଏଥର ମୌସୁମୀ ଅଧିବେଶନ ୭ ଦିନ ଚାଲିଥିଲା । ଅଧିବେଶନରେ ୭ ବିଲ୍ ଆଗତ ହୋଇଥିଲା । ଶେଷ ଦିନରେ ବିଧାନସଭା ରେ ୫ଟି ବିଲ୍ ପାରିତ ହୋଇଛି । ବିଶ୍ୱବିଦ୍ୟାଳୟ ସଂଶୋଧନ ବିଲ୍ ସହ ଓଡିଶା ଅଧିବକ୍ତା କଲ୍ୟାଣ ପାଣ୍ଠି ସଂଶୋଧନ ବିଲ୍ , ଶିଳ୍ପ ବିବାଦ ଓଡିଶା ସଂଶୋଧନ ବିଲ୍, ଓଡ଼ିଶା ପୌର ବିଧି ସଂଶୋଧନ ବିଲ୍, ଓଡିଶା ଦ୍ରବ୍ୟ ଓ ସେବାକର ସଂଶୋଧନ ବିଲ୍ ବିଧାନସଭାରେ ପାରିତ ହୋଇଛି ।
ମୌସୁମୀ ଅଧିବେଶନରେ ମୋଟ ୭ଟି ବିଲ୍ ପାରିତ ହୋଇଛି ।ଏହି ଅଧିବେଶନରେ ସୋସିଆଲ, ଇକୋନମିକ, ଫାଇନାନ୍ସ ଓ ରେଭିନ୍ୟୁ ସେକ୍ଟରରେ ରିପୋର୍ଟ ଉପସ୍ଥାପିତ କରାଯାଇଛି ।