ଏଣିକି ଫ୍ଲିପ୍କାର୍ଟରେ ମିଳିବ ମଦ
ଭୁବନେଶ୍ୱର() ବିଦେଶୀ ମଦ ହୋମ୍ ଡେଲିଭରି କରୁଥିବା ଅନ୍ଲାଇନ୍ ଯୋଗାଣକାରୀ ସଂସ୍ଥାରେ ଯୋଡ଼ି ହୋଇଛି ଫ୍ଲିପ୍କାର୍ଟ । ଏହି ଜଣାଶୁଣା ଅନଲାଇନ୍ ସପିଂ ସଂସ୍ଥାର ଡେଲିଭରି ବଏ ମଧ୍ୟ ମଦ ନେଇ ଆପଣଙ୍କ ଘରେ ପହଞ୍ଚାଇବେ । ଆସନ୍ତା ସପ୍ତାହ ମଧ୍ୟରେ ଓଡ଼ିଶାର ଭୁବନେଶ୍ୱର, କଟକ ଏବଂ ରାଉରକେଲା ମହାନଗରରେ ଏହି ହୋମ୍ ଡେଲିଭରି ସେବା ଆରମ୍ଭ କରାଯିବ ବୋଲି ଜଣାପଡି଼ଛି । ଫ୍ଲିଫ୍କାର୍ଟ ସହଯୋଗୀ ଅନ୍ଲାଇନ୍ ପ୍ଲାଟଫର୍ମ ‘ହିପ୍ବାର’ ମଧ୍ୟ ମଦ ଯୋଗାଇବ ।
ଅବକାରୀ ବିଭାଗ ସୂଚନା ମୁତାବକ, ପୂର୍ବରୁ ମୋଟ ୪ଟି ଅନ୍ଲାଇନ୍ ଯୋଗାଣକାରୀ ସଂସ୍ଥା ମଦ ହୋମ୍ ଡେଲିଭରି ପାଇଁ ଅନୁମତି ପାଇଥିଲେ । ରାଜଧାନୀ ସହ କଟକ, ବ୍ରହ୍ମପୁର ଓ ରାଉରକେଲାରେ ମଦ ହୋମ୍ ଡେଲିଭରି ପାଇଁ ‘ସ୍ୱିଗି’କୁ ଅନୁମତି ମିଳିଥିଲା । ‘ଜୋମାଟୋ’ ସଂସ୍ଥା ଭୁବନେଶ୍ୱର ସହ କଟକ ଓ ପୁରୀରେ ହୋମ୍ ଡେଲିଭରି କରୁଥିଲା । ଏହାଛଡ଼ା ବାରିପଦା, ବେତନଟି ଓ ବରଗଡ଼ ସହରରେ ଘରେ ମଦ ଯୋଗାଇବା ପାଇଁ ‘ଦୁନିଆ ଅନ୍ଲାଇନ୍ ପ୍ରାଇଭେଟ୍ ଲିମିଟେଡ୍’କୁ ଅନୁମତି ମିଳିଥିଲା ।