ଏହି ଅଭିନେତ୍ରୀଙ୍କ ହାତ ଧରିଲେ ସୁକିନ୍ଦା ବିଧାୟକ

ଭୁବନେଶ୍ୱର()  ଅଭିନେତ୍ରୀ ଝିଲିକଙ୍କୁ ବିବାହ କଲେ ପ୍ରୀତିରଞ୍ଜନ ଘଡେଇ । ଗତକାଲି ହୋଟେଲ ସ୍ୱସ୍ତି ଚିଲିକାରେ ନିକଟତମ ସଂପର୍କୀୟଙ୍କ ଗହଣରେ ବିବାହ ସମ୍ପନ୍ନ ହୋଇଛି । ଏନେଇ ସୂଚନା ଦେଇଛନ୍ତି ପ୍ରୀତିରଂଜନଙ୍କ ବାପା ପ୍ରଫୁଲ୍ଲ ଘଡାଇ ।

ତେବେ ଏ ବିବାହ ଅତି ଗୋପନୀୟ ଭାବରେ ହୋଇଥିବାରୁ ଏନେଇ କେହି ପ୍ରାକ୍ ସୂଚନା ପାଇପାରିନଥିଲେ । ଆଜି ବରକନ୍ୟା ଘରକୁ ଫେରିବେ ବୋଲି ପ୍ରଫୁଲ୍ଲ ଘଡେଇ କହିଛନ୍ତି ।

ତେବେ ବିବାହ ବେଦୀରେ ବସିଥିବା ଝିଲିକଙ୍କ ମଥାରେ ପ୍ରୀତିରଂଜନ ଘଡେଇ ସିନ୍ଦୁର ପିନ୍ଧାଇ ଦେଉଥିବାର ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ସେପଟେ ବିବାହର ଫଟୋକୁ ନିଜ ଫେସବୁକ୍ ରେ ଅପଲୋଡ୍ କରି ସମସ୍ତଙ୍କ ଠାରୁ ଆଶୀର୍ବାଦ କାମନା କରିଛନ୍ତି ଝିଲିକ୍ ।