ହାତରେ କୋଦାଳ ଧରି, ରାସ୍ତାରେ ନିତ୍ୟାନନ୍ଦ ଗଣ୍ଡ

ନବରଙ୍ଗପୁର : ବିଜେପି ବିଧାୟକ କୋଦାଳ ଧରି ରାସ୍ତା କାମ କରୁଥିବା ଚର୍ଚ୍ଚା ହେବା ସହ ସୋସିଆଲ ମିଡ଼ିଆ ରେ ଏହି ଦୃଶ୍ୟ ଭାଇରଲ ହେବାରେ ଲାଗିଛି। ସେ ହେଉଛନ୍ତି ଉମରକୋଟ ନିର୍ବାଚନ ମଣ୍ଡଳୀ ଯୁବ ବିଜେପି ବିଧାୟକ ନିତ୍ୟାନନ୍ଦ ଗଣ୍ଡ ନିଜର ନିଆରା କାର୍ୟ୍ୟ ସୋଇଳି ପାଇଁ ସବୁବେଳେ ଚର୍ଚ୍ଚାରେ ରହି ଆସୁଛନ୍ତି। ବିଧାୟକ ହୋଇ ମଧ୍ୟ ସାଧାରଣ ଲୋକଙ୍କ ଭଳି ଜୀବନ ଯାପନ କରୁଛନ୍ତି ।

ନିଜେ କୋଦାଳ ଧରି ରାସ୍ତା ସମତୁଳ କରି ପୁଣି ଚର୍ଚ୍ଚାରେ ଆସିଛନ୍ତି । ବିଧାୟକ ନିତ୍ୟାନନ୍ଦ ଙ୍କ ଉମରକୋଟ ସ୍ଥିତ ବାସଭବନ ଯିବା ରାସ୍ତାର ଅବସ୍ଥା ଦୀର୍ଘଦିନ ହେବ ମରାମତି ନହେବା ଯୋଗୁଁ ସ୍ଥାନେ ସ୍ଥାନେ କୁତ୍ରିମ ପୋଖରୀ ସୃଷ୍ଟି ହୋଇଥିଲା ଫଳରେ ଯାତାୟତ ରେ ଲୋକଙ୍କୁ ଅସୁବିଧା ହେଉଛି। ବିଧାୟକ ଙ୍କ ଏହା ନଜର ଆସିବାରୁ ସେ ଘରୁ ଏକ କୋଦାଳ ଆଣି ସେ ପାଖରେ ଥିବା ରାସ୍ତା କାର୍ୟ୍ୟର ବଳକା ରହିଯାଇଥିବା ବୋଜୁରୀ ପିଚୁ ମିଶ୍ରଣ କରି ଗାତ ହୋଇ ପାଣି ଜମି ଥିବା ସ୍ଥାନ ଗୁଡିକୁ ପୋତି ରାସ୍ତା କୁ ସମତୁଲ କରିବା ଆରମ୍ଭ କରିଥିଲେ ।

ବିଧାୟକଙ୍କ ଏପରି କାର୍ୟ୍ୟକୁ ବିଭିନ୍ନ ମହଲରୁ ପ୍ରଶଂସା ର ସୁଅ ଛୁଟିଛି । ପୂର୍ବରୁ ନବରଙ୍ଗପୁର ଜିଲ୍ଲା ଡାବୁଗାଁ ନିର୍ବାଚନ ମଣ୍ଡଳୀ ବିଜେଡ଼ି ବିଧାୟକ ମନହୋର ରନ୍ଧାରୀ ଗତ କିଛି ଦିନ ତଳେ କୋଦାଳ ଧରି ରାସ୍ତା କାମ କରିଥିବା ବେଶ ଚର୍ଚ୍ଚାରେ ରହିଥିଲେ ।