ଓମଫେଡ ଡ୍ରାଇଭରଙ୍କୁ ପୋଲିସର ଅଟକ ପ୍ରତିବାଦରେ ଧାରଣା

 ଓମଫେଡ ଡ୍ରାଇଭରଙ୍କୁ ପୋଲିସର ଅଟକ ପ୍ରତିବାଦରେ ଧାରଣା । ନରାଜ ସ୍ଥିତ ଓମଫେଡ ସେଂଟର ଆଗରେ ଓମଫେଡ ଠିକା ଡ୍ରାଇଭର ମାନେ ଆନ୍ଦୋଳନ କରୁଛନ୍ତି । ଡ୍ରାଇଭରଙ୍କ ଆନ୍ଦୋଳନ ପାଇଁ ପୁରୀ, କଟକ, ଭୁବନେଶ୍ବର, ଜଟଣୀକୁ ଯାଇପାରୁନି ଓମଫେଡ କ୍ଷୀର ।  ପାଖାପଖି ଲକ୍ଷେ ଲିଟରରୁ ଅଧିକ କ୍ଷୀର ଯୋଗାଣ ନହୋଇ ଅଟକି ରହିଛି  ।

୨୦ରୁ ୩୦ ଜଣ ଡ୍ରାଇଭର ଆନ୍ଦୋଳନକୁ ଓହ୍ଲାଇଛନ୍ତି । ଘଟଣା ସ୍ଥଳରେ ପୋଲିସ ପହଂଚି ଡ୍ରାଇଭରଙ୍କ ସହ ଆଲୋଚନା କରିଛି । ନିର୍ଦ୍ଧିଷ୍ଟ ଏକ ଗାଡ଼ିରେ ଅଧିକ କିଛି କ୍ଷୀର ଜାତୀୟ ଜିନିଷ ନେଉଥିବା ଅଭିଯୋଗରେ ଡ୍ରାଇଭରଙ୍କୁ ଉଠାଇ ନେଇଛି ପୋଲିସ । ଡ୍ରାଇଭରକୁ ଫସାଇ ଦେଇଥିବା ଅଭିଯୋଗ କରି ଧାରଣା ଦେଇଛନ୍ତି ଓମଫେଡର ଠିକା ଡ୍ରାଇଭର । ଅଟକ ଡ୍ରାଇଭରକୁ ଛାଡ଼ିଲେ ଧାରଣା ପ୍ରତ୍ୟାହୃତ ହେବ ସେମାନେ କହିଛନ୍ତି ।