ଯୁବତୀ ଅପହରଣ ପଛରେ ତ୍ରିକୋଣୀୟ ପ୍ରେମ, ନାଟକ ରଚିଥିଲେ ଏକ୍ସ ବୟଫ୍ରେଣ୍ଡ
ମୈତୀବିହାର ଯୁବତୀ ଅପହରଣ ଘଟଣାରେ ନୂଆ ଟ୍ୱିଷ୍ଟ । ଶେଷରେ ଘରକୁ ଫେରିଲେ ଅପହୃତ ଯୁବତୀ । ଘରକୁ ଫେରିବା ପରେ ଏକ ନିବୃତ୍ତ ସ୍ଥାନରେ ପଚରାଉଚରା କରୁଛି ପୋଲିସ । ତେବେ ଯାହା ଜଣାପଡିଛି ତ୍ରିକୋଣିଆ ପ୍ରେମ ପାଇଁ ଅପହରଣ ନାଟକ ରଚିଥିଲେ ପୂର୍ବତନ ପୁରୁଷ ବନ୍ଧୁ । ଏହାସହ ଅପହରଣକାରୀକୁ ଖୋଜିବା ସହ ଅପହରଣର ପ୍ରକୃତ କାରଣ ଖୋଜୁଛି ପୋଲିସ ।
ସୂଚନା ଥାଉକି, ରାଜଧାନୀ ରାଜରାସ୍ତାରେ ରାତି ଅଧରେ ବିଚ୍ ରାସ୍ତାରୁ ଫିଲ୍ମ ଷ୍ଟାଇଲରେ ଯୁବତୀଙ୍କୁ ଅପହରଣ କରିନେଇଥିଲେ ୪ ଯୁବକ । ନିଜ ପୁରୁଷ ବନ୍ଧୁଙ୍କ ସହ ଯାଉଥିବା ବେଳେ ଜଣେ ଯୁବତୀଙ୍କୁ ୪ ଯୁବକ କାର୍ରେ ଅପହରଣ କରି ନେଇଥିଲେ । ଭୁବନେଶ୍ୱରର ରବିବାର ବିଳମ୍ବିତ ରାତିରେ ଘଟିଛି ଏପରି ଅଘଟଣ। ବିଳମ୍ବିତ ରାତି ପ୍ରାୟ ୧ଟା ୩୦ ବେଳେ ଜଣେ ଯୁବତୀ ନିଜ ପୁରୁଷ ବନ୍ଧୁଙ୍କ ସହ ଯାଉଥିଲେ। ଯୁବକଙ୍କ ଘର ନିଳାଦ୍ରି ବିହାର ଅଞ୍ଚଳରେ ହୋଇଥିବା ବେଳେ ଯୁବତୀଜଣକ ବି ଆଖପାଖ ଅଞ୍ଚଳରେ ରହୁଥିଲେ।
ତେବେ ସେହି ସମୟରେ ୪ ଯୁବକ ଏକ କାର୍ରେ ଆସି ଉଭୟଙ୍କୁ ଅଟକାଇଥିଲେ । ଏହାକୁ ଯୁବତୀଙ୍କ ପୁରୁଷ ବନ୍ଧୁ ବାରଣ କରିବାରୁ ସେମାନେ ତାଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ । ଏହାପରେ ଯୁବତୀଙ୍କୁ ଅପହରଣ କରି ନେଇ ଘଟଣାସ୍ଥଳରୁ ଫେରାର ହୋଇଯାଇଥିଲେ । ପୁରୁଷ ବନ୍ଧୁଙ୍କ ଅଭିଯୋଗ ପରେ ମୈତ୍ରୀ ବିହାର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା ।