୩୨ ଟଙ୍କାରେ ବିକିବାକୁ ମନ୍ତ୍ରୀଙ୍କ ନିର୍ଦ୍ଦେଶ

ଖସୁନି ଆଳୁ ଦର । ପଶ୍ଚିମବଙ୍ଗରୁ ଆଳୁ ଟ୍ରକ୍ ଆସୁଥିଲେ ମଧ୍ୟ ବଜାରରେ ଆଳୁ ଦର ଖସିନାହିଁ । କଟକ ଛତ୍ର ବଜାରରେ ଆଜି ଆଳୁ କେଜି ୫୦ ଟଙ୍କା ରହିଛି । ସପ୍ତାହେ ପରେ ପଶ୍ଚିମବଙ୍ଗରୁ ଧିରେ ଧିରେ ସ୍ୱାଭାବିକ ହେଉଛି ଆଳୁ ଯୋଗାଣ । ଓଡ଼ିଶାରେ ପହଞ୍ଚୁଛି ଆଳୁ 
ଗାଡ଼ି । ଗତକାଲି ଅପରାହ୍ନରୁ ଆଜି ସକାଳ ସୁଦ୍ଧା ଭୁବନେଶ୍ୱର ଆଇଗିଣିଆ ଆଳୁ ଗଦିରେ ୨୩ଟି ଗାଡ଼ି ପହଞ୍ଚିଛି ।

କଟକ ଛତ୍ରବଜାରକୁ ବି ଆସିଛି ଆଳୁ ଗାଡ଼ି । ସପ୍ତାହେ ପରେ ଯୋଗାଣ ସ୍ୱାଭାବିକ ହେଉଥିବା ବେଳେ ରାଜ୍ୟରେ ତଥାପି ଆଳୁ କିଲୋ କେଉଁଠି ୫୦ ଟଙ୍କା ତ ଆଉ କେଉଁଠି ୫୦ ଟଙ୍କା ଉପରେ ରହିଛି । ଆଜିଠାରୁ ରାଜ୍ୟରେ ଦାମ୍ ଖସିବ ବୋଲି ବ୍ୟବସାୟୀ ମହାସଂଘ କହିଛି । ବ୍ୟବସାୟୀ ସଂଘ ସାଧାରଣ ସମ୍ପାଦକ କହିଛନ୍ତି, ସେମାନେ ପାଇକାରୀ ଦରରେ ୩୦ ଟଙ୍କାରେ ଆଳୁ ଯୋଗାଇବେ ।