ଶୌଚାଳୟରୁ ଉଦ୍ଧାର ହେଲା ନବଜାତ ଶିଶୁକନ୍ୟା

ଶୌଚାଳୟରୁ ଉଦ୍ଧାର ହେଲା ନବଜାତ ଶିଶୁକନ୍ୟା । ଗର୍ଭବତୀ ମହିଳା ଶୌଚ ହେବାକୁ ଯାଇଥିବା ବେଳେ ନବଜାତ ଶିଶୁକନ୍ୟା ଜନ୍ମନେଇଥିଲା ଏବଂ ତାର ମୁଣ୍ଡ ଲ୍ୟାଟିନ୍ ପ୍ୟାନ ଭିତରେ ପଶିଯାଇଥିଲା । ତେବେ ଉପସ୍ଥିତ ଲୋକେ ସତର୍କତା ସହ ନବଜାତ ଶିଶୁକନ୍ୟାକୁ ଶୌଚାଳୟରୁ ଉଦ୍ଧାର କରିଥିଲେ । ବରଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖିବାକୁ ମିଳିଛି ଏଭଳି ଘଟଣା । ଗୁରୁବାର ଦିନ ରାତି ୧୧ଟାରେ ଡୁଙ୍ଗୁରିପାଲି କକରାଝୁରୀର ବିପିନ ମିର୍ଧାଙ୍କ ସ୍ତ୍ରୀ ସନ୍ତୋଷିନୀଙ୍କୁ ଡେଲିଭରି ପାଇଁ ମେଡ଼ିକାଲରେ ଭର୍ତି କରାଯାଇଥିଲା । ଶୌଚ ପାଇଁ ଯାଇଥିବା ବେଳେ ଛୁଆଟି ଜନ୍ମ ହୋଇପଡ଼ିଥିଲା । ତେବେ ପିଲାଟିକୁ ସତର୍କତାର ସହ ଉଦ୍ଧାର କରି ଏସଏନସିୟୁରେ ଚିକିତ୍ସା ଜାରି ରହିଛି ।